കണ്ണൂര്: അഞ്ചരക്കണ്ടി ഡെന്റല് കോളേജ് വിദ്യാര്ത്ഥി നിതിന് രാജ് ജീവനൊടുക്കിയ കേസിലെ ഒന്നാം പ്രതിയായ അധ്യാപകന് ഡോ എം കെ റാമിന് മുന്കൂര് ജാമ്യം നിഷേധിച്ച് ഹൈക്കോടതി.നേരത്തെ, തലശേരി അഡിഷണല് സെഷന്സ് കോടതിയും റാമിന്റെ ജാമ്യാപേക്ഷ തള്ളിയിരുന്നു.
ഏപ്രില് 10 നാണ് നിതിന് രാജ് കോളേജ് കെട്ടിടത്തില് നിന്നും ചാടി ജീവനൊടുക്കിയത്. വകുപ്പ് മേധാവി റാം മാനസികമായി പീഡിപ്പിക്കുന്നുണ്ടെന്ന് നിതിന് നേരത്തെ തന്നെ വീട്ടുകാരെ അറിയിച്ചിരുന്നു. അധ്യാപകരായ ഡോ എം കെ റാം, സംഗീത നമ്പ്യാര് എന്നിവരാണ് കേസിലെ പ്രതികള്.
ഡെന്റല് അനാട്ടമി വിഭാഗം മേധാവി എം കെ റാം മാനസികവും ശാരീരികവുമായി പീഡിപ്പിച്ചിരുന്നതായി വിദ്യാര്ഥികള് പൊലീസിന് മൊഴി നല്കിയിട്ടുണ്ട്. സംഭവത്തെ തുടര്ന്ന് കോളേജില് നിന്നും ഡോ എം കെ റാമിനെയും ഡോ സംഗീത നമ്പ്യാരെയും പുറത്താക്കിയിരുന്നു.
