കൊച്ചി ; ആർഎസ്എസ് പരിപാടിയിൽ പങ്കെടുത്ത വിസിമാർ അക്കാദമിക് കുപ്പായം അഴിച്ചുവെച്ച്, ഗണവേഷം കെട്ടി കുറുവടിയും കൊണ്ട് ഗണഗീതം പാടി ശിഷ്ടകാലം ജീവിക്കേണ്ടി വരുമെന്ന കെ സി വേണുഗോപാലിന്റെ പ്രസ്തവനയ്ക്കെതിരെ രൂക്ഷ വിമർശനം.
ഇത്തരത്തിൽ ഗണഗീതം പാടിയവർ തന്നെയാണ് ഇന്ന് രാജ്യം ഭരിക്കുന്നതെന്നും , ലോകരാജ്യങ്ങൾ പോലും ഇന്ന് അംഗീകരിക്കുന്നതും അത്തരത്തിൽ ഗണഗീതം പാടിയ നേതാവിനെയാണെന്നും സോഷ്യൽ മീഡിയ കെ സി വേണുഗോപാലിന് നൽകിയ മറുപടിയിൽ പറയുന്നു.
എന്തിന് സത്യപ്രതിജ്ഞ ചെയ്യുന്നത് പോലും ആർ എസ് എസുകാരന്റെ മുന്നിലാണെന്നും അതുകൊണ്ട് കെ സി വേണുഗോപാൽ മാറിയിരുന്ന് നിലവിളിക്കേണ്ടി വരുമെന്നും ചിലർ പറയുന്നു. കെസിയേക്കാൾ വലിയ നേതാക്കൾ വിചാരിച്ചിട്ട് സംഘത്തിനെതിരെ ഒരു ചുക്കും നടത്താൻ പറ്റിയില്ലെന്നും ഇനി ആ ആഗ്രഹം വേണ്ടെന്നുമാണ് ചില കമന്റുകൾ.
ഏറെ വൈറലായിരിക്കുന്നത് രാഷ്ട്രീയ നിരീക്ഷകൻ ശ്രീജിത്ത് പണിക്കരുടെ ഫേസ്ബുക്ക് പോസ്റ്റാണ്. ആർ എസ് എസ് പരിപാടിയിൽ പങ്കെടുത്തതിന് വൈസ് ചാൻസലർമാർ കേരളത്തോട് മാപ്പ് പറഞ്ഞില്ലെങ്കിൽ സർക്കാർ നടപടി കടുപ്പിക്കും എന്നൊക്കെയുള്ള ചില വാർത്തകൾ കണ്ടു.
എന്ത് നടപടി എടുക്കുമെന്നാണ്? ഒന്നും നടക്കില്ല.
വൈസ് ചാൻസലർക്കെതിരെ അച്ചടക്ക നടപടി എടുക്കാൻ സർക്കാരിനുള്ള അധികാരം വട്ടപ്പൂജ്യമാണ്.
യുജിസി നിയമമോ സർവകലാശാലാ സ്റ്റാറ്റ്യൂട്ടുകളോ അങ്ങനെയൊരു അധികാരം സർക്കാരിന് നൽകുന്നില്ല.
പിന്നെയാർക്ക് നടപടി എടുക്കാൻ കഴിയും?
ഒരാൾക്കു മാത്രം.
ചാൻസലർക്ക്.
അതായത് ഗവർണർക്ക്.
അതായത് സംസ്ഥാനത്തെ ബഡാ സംഘിക്ക്.
