തിരുവനന്തപുരം: മുഖ്യമന്ത്രി വിഡി സതീശനും കുടുംബത്തിനും നേരെ വധഭീഷണി മുഴക്കിയ ആൾ പോലീസ് പിടിയിൽ. സംഭവത്തിൽ ആറ്റിങ്ങൽ സ്വദേശിയായ സോണി എന്ന ആളെയാണ് പോലീസ് പിടികൂടിയത്. ഇയാൾ മദ്യലഹരിയിലാണ് മുഖ്യമന്ത്രിയെയും കുടുംബത്തെയും കൊല്ലുമെന്ന് ഭീഷണി മുഴക്കിയതെന്നാണ് പോലീസ് പറയുന്നത്. കന്റോൺമെന്റ് പോലീസാണ് പ്രതിയെ പിടികൂടിയത്.
വെള്ളിയാഴ്ച രാത്രിയാണ് സോണി കൺട്രോൾ റൂമിലേക്ക് വിളിച്ച് വധഭീഷണി മുഴക്കിയത്. രണ്ട് തവണ ഇയാൾ ഇത്തരത്തിൽ കൺട്രോൾ റൂമിലേക്ക് വിളിച്ചിരുന്നു. മുഖ്യമന്ത്രിയെയും കുടുംബത്തെയും താൻ ആപായപ്പെടുത്തുമെന്നും അതുവഴി പ്രശസ്തനാകുക എന്നതാണ് തന്റെ ലക്ഷ്യമെന്നുമായിരുന്നു സോണി പറഞ്ഞത്.
ഇയാൾ മാനസികാസ്വാസ്ഥ്യം പ്രകടിപ്പിക്കാറുള്ള ആളാണെന്നാണ് പോലീസ് പറയുന്നത്. സോണിക്കെതിരെ നേരത്തെയും കേസുകൾ ഉണ്ട്. ഇയാളെ പോലീസ് വിശദമായി ചോദ്യം ചെയ്യുകയാണ്.
