തിരുവനന്തപുരം: പിണറായി വാഴ്ത്തുപാട്ട് രചയിതാവിനെ പുറത്താക്കി. പൂവത്തൂർ ചിത്രസേനനെയാണ് ധനകാര്യവകുപ്പ് മെസഞ്ചർ സ്ഥാനത്ത് നിന്ന് പുറത്താക്കിയത്. ഓഫീസ് അറ്റൻഡറായി വിരമിച്ച ചിത്രസേനന് പിണറായി സർക്കാർ താൽക്കാലിക പുനർനിയമനം നൽകിയിരുന്നു.ഇടതു സംഘടനയായ സെക്രട്ടറിയേറ്റ് എംപ്ലോയീസ് അസോസിയേഷൻ നേതാവായിരുന്നു.
പിണറായി വിജയനെ പുകഴ്ത്തി സെക്രട്ടേറിയറ്റിലാണ് ‘കാവലാൾ’ എന്ന വാഴ്ത്തുപാട്ട് അവതരിപ്പിച്ചത്. പിണറായി നാടിന്റെ അജയന്, തീയില് കുരുത്ത കുതിര, കൊടുങ്കാറ്റില് പറക്കുന്ന കഴുകന്, മണ്ണില് മുളച്ച സൂര്യന് എന്നിങ്ങനെ തുടരുന്നു വീഡിയോയിലെ വാഴ്ത്തുകൾ. ഇതിൽ കാരണഭൂതൻ വാഴ്ത്തുപാട്ട് വൻരീതിയിൽ ട്രോളിന് വിധേയമായിരുന്നു.
