‘ സുഗതനെ പാർട്ടി വിട്ടുകൊടുക്കില്ല , ഞങ്ങൾ ചെയ്യേണ്ടതെല്ലാം ചെയ്യും ‘ ; പക്ഷെ വണ്ടി തല്ലിപൊളിക്കുന്ന പരിപാടി ഞങ്ങൾക്കില്ല ; രാജീവ് ചന്ദ്രശേഖർ

തിരുവനന്തപുരം : കള്ളക്കേസിൽ കുടുക്കി അറസ്റ്റ് ചെയ്ത ബിജെപി കൗൺസിലർ ആർ സുഗതനൊപ്പം നൂറ് ശതമാനം പിന്തുണയുമായി പാർട്ടി ഉണ്ടെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. സുഗതനെ സംരക്ഷിക്കാൻ പാർട്ടിയുണ്ടാവും. സുഗതനെ പാർട്ടി വിട്ടുകൊടുക്കില്ല. നിയമപരമായ സംരക്ഷണം നൽകുമെന്നും അദ്ദേഹം വ്യക്തമാക്കി.

‘ ഞങ്ങൾ ചെയ്യേണ്ടതെല്ലാം ചെയ്യും. അതിൽ SHO യ്‌ക്കും ആഭ്യന്തര മന്ത്രിക്കും സംശയം വേണ്ട. പക്ഷെ വണ്ടി തല്ലിപ്പൊളിക്കാൻ ഞങ്ങളില്ല. ഇ ഡി വരുമ്പോൾ സിപിഎം വണ്ടി തല്ലിപ്പൊളിക്കുന്നു. അത് സിപിഎമ്മിന്റെ രീതി. ഗുജറാത്ത് മുഖ്യമന്ത്രിയായിരിക്കെ നരേന്ദ്രമോദിയെ കോൺഗ്രസ് ആക്രമിച്ചു. അത് കോൺഗ്രസിന്റെ രീതിയെന്നും‘ രാജീവ് ചന്ദ്രശേഖർ വ്യക്തമാക്കി.