തിരുവനന്തപുരം: ബിജെപി സ്ഥാനാര്‍ത്ഥിയായ ഗോപാലകൃഷ്ണന്‍ ഗുരുവായൂര്‍ മണ്ഡലത്തിലെ ചില സത്യങ്ങള്‍ പുറത്തുകൊണ്ടുവന്നപ്പോള്‍ എല്ലാവരും ഗോപാലകൃഷ്ണനെ എതിര്‍ത്തിരുന്നു. ഹിന്ദു ഭൂരിപക്ഷമുള്ള ഗുരുവായൂര്‍ മണ്ഡലത്തില്‍ അമ്പത് വര്‍ഷമായി മുസ്ലിം എംഎല്‍എമാരാണ് ഭരിക്കുന്നത് എന്നതുള്‍പ്പെടെ പല സത്യങ്ങളും പുറത്തുപറഞ്ഞപ്പോള്‍ കോണ്‍ഗ്രസും സിപിഎമ്മും ഗോപാലകൃഷ്ണനെ എതിര്‍ത്തിരുന്നു.
എന്നാല്‍ ഫാത്തിമ തെഹ്ളിയ നിലവിളക്ക് കൊളുത്തിയതിനെ സമസ്തയും കേരള ജം ഇയ്യത്തുലും പോലുള്ള മുസ്ലിം സംഘടനകള‍് എതിര്‍ത്തെങ്കിലും നിലപാടുകളുടെ രാജകുമാരനായ വി.ഡി. സതീശനോ പ്രതിപക്ഷ നേതാവ് പിണറായി വിജയനോ ഒരക്ഷരം മിണ്ടിയില്ല. ഇടത്പക്ഷത്തിലെ പുരോഗമന സാംസ്കാരിക നായകരും ഒരക്ഷരം മിണ്ടിയില്ല.
കഴിഞ്ഞ ദിവസം മുസ്ലിം ലീഗ് നേതാവും വിദ്യാഭ്യാസമന്ത്രിയുമായ അഡ്വ. എന്‍. ഷംസുദ്ദീന്‍ ഈ വിവാദത്തില്‍ ഇടപെട്ട് പ്രതികരിച്ചത് നിലവിളക്ക് കത്തിക്കുന്നത് ചെറിയ പ്രശ്നമാണെന്നും വിവാദമാക്കേണ്ടതില്ലന്നുമാണ്. ഇതോടെ എല്ലാവരും മൗനം പാലിച്ചു. ഈ വിവാദത്തില്‍ ഫാത്തിമ തെഹ്ളിയ പോലും മൗനം പാലിച്ചുവെന്നതാണ് അതിശയകരം.
