തിരുവനന്തപുരം: സംസ്ഥാനത്ത് വീണ്ടും നിപ സ്ഥിരീകരിച്ച സാഹചര്യത്തില് മുന് സര്ക്കാരിന്റെ കാലത്ത് ആരോഗ്യമന്ത്രി കെ മുരളീധരന് നടത്തിയ നിപ പരാമര്ശം ചര്ച്ചയാകുന്നു. പിണറായി വിജയന് സര്ക്കാരിന്റെ കാലത്ത് നിപ റിപ്പോര്ട്ട് ചെയ്തപ്പോള് കോണ്ഗ്രസ് നേതാവായ കെ മുരളീധരന് പരിഹസിച്ചതാണ് ഇപ്പോള് സാമൂഹിക മാധ്യമങ്ങളില് ചര്ച്ച.
‘പണ്ടൊരു ചൊല്ലുണ്ട്. എരണം കെട്ടവന് നാട് ഭരിച്ചാല് നാട് മുടിയും. ഓണം ആഘോഷിച്ചിട്ട് കാലം മറന്നു. ഇതുവരെ കേള്ക്കാത്ത രോഗങ്ങള്. നിപ. വവ്വാല് ആണത്രേ നിപ പരത്തുന്നത്. കെ കരുണാകരനും എ കെ ആന്റണിയും ഉമ്മന് ചാണ്ടിയും ഭരിച്ചിരുന്ന കാലത്ത് വവ്വാല് ഉണ്ടായില്ലേ നമ്മുടെ നാട്ടില്. ഇപ്പോ എന്താണ് നിപ ഉണ്ടാവാന് കാരണം. ഭരിക്കുന്നവന് ശരിയല്ല. ‘- കെ മുരളീധരന്റെ പഴയ പ്രസംഗം ഇങ്ങനെയായിരുന്നു.
്അതിനിടെ കഴിഞ്ഞ സര്ക്കാരിന്റെ കാലത്ത് നിപയെക്കുറിച്ച് ഇന്നത്തെ ആരോഗ്യ മന്ത്രി കെ മുരളീധരന് നടത്തിയ പ്രസംഗം പലരും തനിക്ക് അയച്ചു തന്നുവെന്ന് മുന് ആരോഗ്യമന്ത്രി വീണാ ജോര്ജ് ഫേസ്്ബുക്കില് പറഞ്ഞു.അതിനെക്കുറിച്ച് ഇവിടെ ഒന്നും എഴുതുന്നില്ല. ശരിതെറ്റുകള് കാലം തെളിയിക്കട്ടെ.
രോഗങ്ങളുടെ പ്രതിസന്ധികളിലും വെല്ലുവിളികളിലും ജനങ്ങളെ ചേര്ത്ത് പിടിച്ച് ഏറ്റവും മികച്ച ശാസ്ത്രീയ പ്രതിരോധം തീര്ക്കുക എന്നതാണ് അനിവാര്യം . അതിന് ഒറ്റക്കെട്ടായി നില്ക്കുക എന്നതാണ് ഇടതുപക്ഷസമീപനമെന്നും വീണാ ജോര്ജ് കുറിച്ചു
