തിരുവനന്തപുരം:എംബിബിഎസ് വിദ്യാര്ത്ഥികളില് നിന്ന് ഈടാക്കിയ അധിക ഫീസ് മടക്കി നല്കാന് നിര്ദേശം.നാഷണല് മെഡിക്കല് കമ്മീഷനാണ് സംസ്ഥാന മെഡിക്കല് വിദ്യാഭ്യാസ വകുപ്പിന് നിര്ദേശം നല്കിയത്.
ഈടാക്കിയ ആറ് മാസത്തെ അധിക ഫീസ് ആണ് മടക്കി നല്കേണ്ടത്.കോളേജുകള്ക്ക് ഇതിനുള്ള നിര്ദേശം നല്കണം.ഇതുസംബന്ധിച്ച നിര്ദേശം ഡിഎംഇക്ക് നല്കി.
നാലര വര്ഷ കോഴ്സിന് അഞ്ച് വര്ഷ ഫീസ് വാങ്ങുന്നതിലാണ് നടപടി. നാലരവര്ഷത്തെ ഫീസ് മാത്രമേ വാങ്ങാവൂ എന്ന് നാഷണല് മെഡിക്കല് കമ്മീഷന് നേരത്തെ സര്ക്കുലര് ഇറക്കിയിട്ടുണ്ട്. ഇത് മറികടന്ന് ഫീസ് വാങ്ങിയതിലെ പരാതിയിലാണ് നടപടി.മൂവായിരത്തോളം കുട്ടികളില് നിന്ന് മൂന്നര മുതല് ആറ് ലക്ഷം വരെയാണ് അധികമായി ഈടാക്കുന്നത്.
