തിരുവനന്തപുരം: വഴിമുടക്കി തിരുവനന്തപുരം കോര്‍പറേഷന്‍ പരിപാടി സംഘടിപ്പിക്കുന്നുവെന്ന വ്യാജവാര്‍ത്ത കൊടുത്ത് മാതൃഭൂമി ചാനല്‍. ഇതേക്കുറിച്ച് പ്രതികരണം ആരാഞ്ഞ ചാനല്‍ ആങ്കറെ ജേണലിസത്തിന്റെ പ്രാഥമിക പാഠം പഠിപ്പിച്ച് മേയര്‍ വിവി രാജേഷ്.
ഒരു വിവാദ വാര്ത്ത കൊടുക്കും മുന്‍പ് അതേക്കുറിച്ച് വിവാദത്തില്‍ ഉള്‍പ്പെട്ടവരോട് പ്രതികരണം ആരായുക എന്നത് ജേണലിസത്തിലെ മര്യാദയാണ്. ഇത് പാലിക്കാതെ ആരോ പറയുന്നത് കേട്ട് എങ്ങിനെയാണ് മാതൃഭൂമി വാര്ത്ത നല്‍കിയത് എന്നതായിരുന്നു മേയര്‍ വിവി രാജേഷിന്റെ ചോദ്യം.
ഒരു വിവാദ വാര്ത്ത നാടാകെ പരത്തിയ ശേഷം നിങ്ങള്‍ ഇപ്പോള്‍ എന്നോട് പ്രതികരണം തേടുന്നതില്‍ എന്ത് അര്‍ത്ഥമാണുള്ളതെന്ന മേയറുടെ ചോദ്യത്തിന് ചാനലിന്റെ വനിതാ ആങ്കര്‍ക്ക് മറുപടിയില്ലായിരുന്നു. മേയര്‍ പങ്കെടുക്കാത്ത പരിപാടിയിലാണ് മേയര്‍ പങ്കെടുക്കുന്ന പരിപാടി എന്ന് പറഞ്ഞ് മാതൃഭൂമി വാര്ത്ത നല്‍കിയത്.
