കൊച്ചി: കോതമംഗലം പൊലീസ് സര്ക്കിള് ഇന്സ്പെക്ടര്ക്കെതിരെ ഫേസ്ബുക്കില് ഭീഷണി കുറിപ്പിട്ട ക്രിമിനല് കേസ് പ്രതി അര്ജുന് ആയങ്കിക്കെതിരെ പൊലീസ് കേസെടുത്തു.ഐ ടി ആക്ട് പ്രകാരമാണ് കോതമംഗലം പൊലീസ് കേസെടുത്തത്.
നിരവധി ക്രിമിനല് കേസുകളില് പ്രതികളായ അര്ജുന് ആയങ്കിയെയും സംഘത്തേയും കോതമംഗലം പൊലീസ് കഴിഞ്ഞ മേയ് 3 ന് അറസ്റ്റു ചെയ്തിരുന്നു. ഈ സംഭവത്തിലാണ് അര്ജുന് ആയങ്കി ഇന്ന് കോതമംഗലം സി ഐക്കെതിരെ പരസ്യ ഭീഷണിയും അധിക്ഷേപവും നടത്തിയത്.
റിസോര്ട്ടില് പാര്ട്ടി നടത്തി കൂറ്റകൃത്യം ആസൂത്രണം ചെയ്യുന്നതിനിടയിലാണ് ആയങ്കിയുടെ സംഘത്തെ പൊലീസ് പിടികൂടിയത്. പെന്ഷന് വാങ്ങി സ്വസ്ഥമായി ജീവിക്കാന് അനുവദിക്കില്ലെന്നാണ് അര്ജുന് ആയെങ്കി ഫേസ്ബുക്ക് കുറിപ്പിട്ടത്.
