മുള്ളന്‍പൂര്‍: ഭാരത പര്യടനത്തിനെത്തിയ അഫ്ഗാനിസ്ഥാന്റെ ആദ്യ മത്സരം ഇന്ന് ആരംഭിക്കും. പര്യടനത്തില്‍ ഉള്‍പ്പെടുത്തിയ ഏക ടെസ്റ്റ് മത്സരം ഇന്ന് മുള്ളന്‍പൂരില്‍ ആരംഭിക്കും. രാവിലെ 9.30 മുതലാണ് മത്സരം.
ശുഭ്മാന്‍ ഗില്‍ നയിക്കുന്ന ഭാരത ടീമില്‍ പേസ് ബൗളര്‍ ജസ്പ്രീത് ബുംറ കളിക്കില്ല. താരത്തിന്റെ അഭാവത്തില്‍ മുഹമ്മദ് സിറാജ് ആയിരിക്കും ബൗളിങ് ഡിപ്പാര്‍ട്ട്‌മെന്റിനെ നയിക്കുക. ഐപിഎല്ലിന് ശേഷം തുടങ്ങുന്ന പുതിയ സീസണില്‍ ഭാരതത്തിന്റെ ആദ്യ മത്സരമാണിത്. മൂന്ന് പുതുമുഖങ്ങളെയാണ് ടീമില്‍ ഉള്‍പ്പെടുത്തിയിരിക്കുന്നത്. സ്പിന്നര്‍മാരായ രവീന്ദ്ര ജഡേജ, അക്ഷര്‍ പട്ടേല്‍ എന്നിവര്‍ക്ക് വിശ്രമം നല്‍കിയാണ് പുതുമുഖങ്ങളെ പരീക്ഷിക്കാനൊരുങ്ങുന്നത്. അഫ്ഗാന്‍ പര്യടനത്തിലെ ഒരു മത്സരത്തില്‍ പോലും പേസര്‍ ജസ്പ്രീത് ബുംറ ഉണ്ടാവില്ല. പേസര്‍ ആകാശ് ദീപ് ടീമില്‍ ഉള്‍പ്പെടുത്തിയിട്ടുണ്ടെങ്കിലും അന്തിമ ഇലവനില്‍ അവസരം നല്‍കാന്‍ സാധ്യതയില്ല. പ്രസിദ്ധ് കൃഷ്ണയും തിരികെ വന്നു.
ആഭ്യന്തര ക്രിക്കറ്റില്‍ തിളങ്ങിയതിന്റെ അടിസ്ഥാനത്തിലാണ് പുതുമുഖങ്ങള്‍ക്ക് അവസരം നല്‍കിയിട്ടുള്ളത്. രഞ്ജിയില്‍ രാജസ്ഥാന് വേണ്ടി കളിച്ചുകൊണ്ടിരിക്കുന്ന സ്പിന്നര്‍ മാനവ് സുത്താര്‍, വിദര്‍ഭയുടെ സ്പിന്‍ ബൗള്‍ ഓള്‍റൗണ്ടര്‍ ഹര്‍ഷ് ദുബേ എന്നിവരാണ് രണ്ട് പുതുമുഖങ്ങള്‍. ആകാശ് ദീപ് ഇറങ്ങിയില്ലെങ്കില്‍ കണ്ടുവച്ചിരിക്കുന്ന പുതുമുഖ പേസര്‍ ആണ് ഗുര്‍ണൂര്‍ ബ്രാര്‍.
ഭാരതം
യശസ്വി ജയ്‌സ്വാള്‍, കെ.എല്‍. രാഹുല്‍, ശുഭ്മാന്‍ ഗില്‍(ക്യാപ്റ്റന്‍), സായി സുദര്‍ശന്‍, ധ്രുവ് ജുറെല്‍, ഋഷഭ് പന്ത്(വിക്കറ്റ് കീപ്പര്‍), നിതീഷ് കുമാര്‍ റെഡ്ഡി, വാഷിങ്ടണ്‍ സുന്ദര്‍, കുല്‍ദീപ് യാദവ്, പ്രസിദ്ധ് കൃഷ്ണ, മുഹമ്മദ് സിറാജ്, ഗുര്‍ണൂര്‍ ബ്രാര്‍, ഹര്‍ഷ് ദുബേ, ദേവ്ദത്ത് പടിക്കല്‍, മാനവ് സുത്താര്‍.
അഫ്ഘാനിസ്ഥാന്‍
അബ്ദുല്‍ മാലിക്, റഹ്‌മാനുല്ലാഹ് ഗുര്‍ബാസ്, ഹഷ്മതുല്ലാഹ് ഷാഹിദി(ക്യാപ്റ്റന്‍), റഹ്‌മത്ത് ഷാഹ്, അസ്മത്തുള്ളാഹ് ഒമര്‍സായി, അഫ്‌സര്‍ സസായി(വിക്കറ്റ് കീപ്പര്‍), ഷറഫുദ്ദീന്‍ അഷ്‌റഫ്, സിയോര്‍ റഹ്‌മാന്‍ ഷരീഫി, ഖായിസ് അഹമ്മദ്, ബിലാല്‍ സമി, മുഹമ്മദ് സലീം സഫി, നംഗേയാലിയ ഖരോതെ, റഹ്‌മാനുല്ലാഹ്, സെദിഖുല്ലാഹ് അടല്‍, ഇക്രം അലിഖില്‍
