ന്യൂദല്ഹി: ഡിഎംകെയ്ക്ക് പിന്നാലെ എന്സിപി നേതാവ് ശരത് പവാറും ഇന്ത്യാമുന്നണിയോഗത്തില് നിന്നും വിട്ടുനില്ക്കും. തമിഴ്നാട്ടില് തെരഞ്ഞെടുപ്പിന് മുന്പ് സഖ്യമുണ്ടാക്കിയ കോണ്ഗ്രസ് തെരഞ്ഞെടുപ്പിന് ശേഷം വിജയിന്റെ ടിവികെയുമായി മുന്നണിയുണ്ടാക്കിയതില് ശരത് പവാറിനും എതിര്പ്പുണ്ട്.
ഇതാണ് ശരത് പവാര് വിട്ടുനില്ക്കാന് കാരണമെന്നറിയുന്നു. ഡിഎംകെ നേരത്തെ തന്നെ ജൂണ് എട്ടിന് നടക്കുന്ന ഇന്ത്യാമുന്നണി യോഗത്തില് പങ്കെടുക്കില്ലെന്ന് വ്യക്തമാക്കിയിരുന്നു. കോണ്ഗ്രസ് തമിഴ്നാട്ടില് നടത്തിയ വഞ്ചനയില് പ്രതിഷേധിച്ചാണ് ഇന്ത്യാമുന്നണിയോഗത്തില് നിന്നും വിട്ടുനില്ക്കുന്നതെന്ന് കഴിഞ്ഞ ദിവസം ഡിഎംകെ നേതാവ് സ്റ്റാലിന് വ്യക്തമാക്കിയിരുന്നു.
മാത്രമല്ല, ഡിഎംകെയ്ക്ക് പകരം ടിവികെയെ ഇക്കുറി ഇന്ത്യാമുന്നണിയില് പങ്കെടുപ്പിക്കുമെന്ന് ചില റിപ്പോര്ട്ടുകള് പുറത്തുവരുന്നുണ്ട്. മമത ബാനര്ജിയാകട്ടെ സ്വന്തം പാര്ട്ടി തന്നെ നഷ്ടപ്പെടുന്ന സ്ഥിതിയിലായതിനാല് ഈ യോഗത്തില് പങ്കെടുക്കാന് സാധ്യതയില്ല. മമതയുടെ പാര്ട്ടിയിലെ 23 എംഎല്എമാര് ബിജെപിയ്ക്കൊപ്പം ചേരാന് തയ്യാറെടുത്തിരിക്കുന്നതായും റിപ്പോര്ട്ടുകളുണ്ട്.
