ന്യൂദൽഹി: പതിനഞ്ചു വയസ്സുകാരനായ വൈഭവ് സൂര്യവംശി ക്രിക്കറ്റ് ലോകത്തിലെ ഒരു തിളങ്ങുന്ന താരമായി ഉയർന്നുവന്നു. അടുത്തിടെ സമാപിച്ച ഐപിഎല്ലിൽ ഏറ്റവും കൂടുതൽ സിക്സറുകൾ നേടിയതുൾപ്പെടെ നിരവധി റെക്കോർഡുകൾ അദ്ദേഹം സ്ഥാപിച്ചു. ഇതിനെത്തുടർന്ന് അദ്ദേഹത്തിന് അവാർഡുകൾ ഒഴുകിയെത്തി. നിരവധി പരസ്യങ്ങളിലും അദ്ദേഹം പ്രത്യക്ഷപ്പെട്ടിട്ടുണ്ട്.
ഐപിഎല്ലിൽ നിന്നും എൻഡോഴ്സ്മെന്റുകളിൽ നിന്നുമായി വൈഭവ് ഏകദേശം 7 കോടി രൂപയുടെ ആസ്തി സമ്പാദിച്ചു. ഇപ്പോൾ ആദായനികുതി സമർപ്പിക്കേണ്ട സമയമായപ്പോൾ ഒരു പ്രധാന ചോദ്യം ഉയർന്നുവരുന്നുണ്ട്. അത് മറ്റൊന്നുമല്ല ഇന്ത്യയിലെ പ്രായപൂർത്തിയാകാത്തവരുടെ (18 വയസ്സിന് താഴെയുള്ള) വരുമാനത്തിന് ആദായനികുതി ബാധകമാണോ എന്നുള്ളതാണ് ചോദ്യം അങ്ങനെയെങ്കിൽ വൈഭവ് സൂര്യവംശി ആദായനികുതി സമർപ്പിക്കേണ്ടിവന്നാൽ അദേഹം എത്ര തുക നൽകേണ്ടിവരും.
സ്പോർട്സ് അല്ലെങ്കിൽ വാണിജ്യ പ്രവർത്തനങ്ങളിൽ നിന്നുള്ള വരുമാനം സാധാരണയായി ബിസിനസ് അല്ലെങ്കിൽ പ്രൊഫഷന്റെ ലാഭവും നേട്ടവും (PGBP) എന്ന തലക്കെട്ടിലാണ് റിപ്പോർട്ട് ചെയ്യുന്നത്. ഇതിൽ സാധാരണയായി ITR-3 അല്ലെങ്കിൽ ITR-4 ഫയൽ ചെയ്യുന്നത് ഉൾപ്പെടുന്നു. ആദായനികുതി നിയമത്തിൽ നിർദ്ദേശിച്ചിരിക്കുന്ന ആദായനികുതി സ്ലാബുകൾ അനുസരിച്ച് വൈഭവ് നികുതി അടയ്ക്കേണ്ടതുണ്ട്. അതിനാൽ അദ്ദേഹത്തിന്റെ വരുമാനത്തിന്റെ 30 ശതമാനം വരെ നികുതി ചുമത്തപ്പെടും.
അതേ സമയം തന്നെ പ്രായപൂർത്തിയാകാത്തവർക്ക് കരാറുകളിൽ ഒപ്പിടാനോ സ്വയം റിട്ടേണുകൾ ഫയൽ ചെയ്യാനോ നിയമപരമായി അധികാരമില്ലാത്തതിനാൽ അവരുടെ മാതാപിതാക്കളോ നിയമപരമായ രക്ഷിതാക്കളോ പ്രതിനിധി അസസ്സികൾ എന്ന നിലയിൽ അവരുടെ പേരിൽ റിട്ടേണുകൾ ഫയൽ ചെയ്യണമെന്നാണ് നിയമം അനുശാസിക്കുന്നത്.
