വിവിധ പ്രായത്തില് പ്രജ്ഞാനന്ദ.
ഓസ്ലോ: ഇന്ത്യന് താരം പ്രജ്ഞാനന്ദ നോര്വ്വെ ചെസ്സില് കിരീടത്തിലേക്ക് കുതിക്കുകയാണ്. ഒരു മത്സരം കൂടി ബാക്കിനില്ക്കേ 15 പോയിന്റുകള് നേടി രണ്ടാം സ്ഥാനത്താണ് പ്രജ്ഞാനന്ദ. ഒമ്പതാം റൗണ്ടില് ഗുകേഷിനെ തോല്പിച്ചതോടെയാണ് പ്രജ്ഞാനന്ദയുടെ പോയിന്റ് നില 15ലേക്ക് ഉയര്ന്നത്.
ഈ ടൂര്ണ്ണമെന്റില് രണ്ട് തവണ ലോകചെസിലെ മുടിചൂടാമന്നനായ മാഗ്നസ് കാള്സനെ പ്രജ്ഞാനന്ദ തോല്പിച്ചിരുന്നു. 19 വര്ഷത്തെ ഇടവേളയ്ക്ക് ശേഷമാണ് മാഗ്നസ് കാള്സനെ ഒരു താരം ഒരു ടൂര്ണ്ണമെന്റില് രണ്ട് തവണ തോല്പിക്കുന്നത്. നേരത്തെ വിശ്വനാഥന് ആനന്ദാണ് ഇതുപോലെ മാഗ്നസ് കാള്സനെ 19 വര്ഷം മുന്പ് തോല്പിച്ചത്. ഈ റെക്കോഡിലേക്കാണ് പ്രജ്ഞാനന്ദ എത്തിയത്. ഇതോടെ ലോകമാധ്യമങ്ങള് പ്രജ്ഞാനന്ദയെ വാഴ്ത്തിപ്പാടുകയാണ്. നോര്വ്വെ എന്ന സ്വന്തം രാജ്യത്ത് നടക്കുന്ന ഈ ടൂര്ണ്ണമെന്റില് എത്രയോ വര്ഷമായി കിരീടം നേടിയിരുന്ന മാഗ്നസ് കാള്സന് ഏറെ പിന്നിലാണ്.
കിരീടം നേടാന് പ്രജ്ഞാനന്ദയ്ക്ക് തടസ്സമായി നില്ക്കുന്നത് അമേരിക്കയുടെ വെസ്ലി സോ ആണ്. ഇയാള്ക്ക് 15.5 പോയിന്റുണ്ട്. അവസാനത്തെ റൗണ്ടായ പത്താം റൗണ്ടിലെ ജയപരാജയങ്ങളാണ് കിരീട ജേതാവിനെ നിശ്ചയിക്കുക. വെസ്ലി സോയുടെ അവസാന കളി ഇപ്പോള് ടൂര്ണ്ണമെന്റില് അപാര ഫോം പുലര്ത്തി മൂന്നാം സ്ഥാനത്ത് നിലകൊള്ളുന്ന അലിറെസ ഫിറൂഷയോടാണ്. അതുപോലെ പ്രജ്ഞാനന്ദയുടെ അവസാന മത്സരം ജര്മ്മന് താരം വിന്സെന്റ് കെയ്മറോടാണ്. ഈ ടൂര്ണ്ണമെന്റില് ഒരു ആദ്യ റൗണ്ടില് പ്രജ്ഞാനന്ദ കെയ്മറെ തോല്പിച്ചിരുന്നു. റിവേഴ്സ് റൗണ്ടില് ക്സാസിക് ഗെയിമില് തന്നെ ജയിച്ചാല് പ്രജ്ഞാനന്ദയ്ക്ക് പ്രതീക്ഷയ്ക്ക് വകയുണ്ട്.
ആറ് റൗണ്ട് വരെ നാലം സ്ഥാനത്ത് നിലകൊണ്ട പ്രജ്ഞാനന്ദ ഏഴാം റൗണ്ട് മുതലാണ് അപാരഫോമിലേക്ക് ഉയര്ന്നത്. ഏഴാം റൗണ്ടില് അലിറെസ ഫീറൂഷയെ ക്ലാസിക് ഗെയിമില് തന്നെ തോല്പിച്ചു. എട്ടാം റൗണ്ടില് മാഗ്നസ് കാള്സനെയും ക്ലാസിക് റൗണ്ടില് തോല്പിച്ചു. ഒമ്പതാം റൗണ്ടില് ഗുകേഷിനെയും ക്ലാസിക് ഗെയിമില് തന്നെയാണ് തോല്പിച്ചത്.
വെസ്സി സോയും അപാരഫോമിലാണ്. മാഗ്നസ് കാള്സനെയും ഈ ടൂര്ണ്ണമെന്റിലെ രണ്ട് മത്സരങ്ങളിലും വെസ്ലി സോ തോല്പിച്ചിരുന്നു.
ദിവ്യ ദേശ്മുഖ് നിരാശപ്പെടുത്തി, ബിബിസാരയ്ക്ക് വനിതാ കിരീടം
നോര്വ്വെ ചെസ്സിലെ വനിതാമത്സരത്തില് ഇന്ത്യയുടെ ദിവ്യ ദേശ്മുഖിന് കിരീടമില്ല. ഏഴ് റൗണ്ട് വരെ ഒന്നാം സ്ഥാനത്ത് നിന്നിരുന്ന ദിവ്യ ദേശ്മുഖിനെ അപാരഫോമിലായിരുന്ന കസാക്കിസ്ഥാനിലെ ബിബിസാര ക്ലാസിക് ഗെയിമില് തോല്പിക്കുകയായിരുന്നു. ഇതോടെ ദിവ്യ പിറകിലായി. ബിബിസാരയ്ക്കാണ് കിരീടം.
