കൊച്ചി: പ്രതിപക്ഷ നേതാവ് പിണറായി വിജയന്റെ വീട്ടില് റെയ്ഡ് നടത്തിയ എന്ഫോഴ്സ്മെന്റ് ഡയറകട്രേറ്റ് ഉദ്യോഗസ്ഥരെ സി പി എം പ്രവര്ത്തകര് ആക്രമിച്ച സംഭവത്തില് സംസ്ഥാന സര്ക്കാരിനോട് ഹൈക്കോടതി വിശദീകരണം തേടി. കേസില് എന്ത് നടപടി സ്വീകരിച്ചുവെന്ന് സര്ക്കാര് രണ്ടാഴ്ചയ്ക്കകം മറുപടി നല്കണം. സിബിഐ അന്വേഷണം ആവശ്യപ്പെട്ടുളള പൊതുതാത്പര്യ ഹര്ജിയിലാണ് ചീഫ് ജസ്റ്റിസ് അധ്യക്ഷനായ ഡിവിഷന് ബെഞ്ചിന്റെ നടപടി.
കേസ് സിബിഐ അന്വേഷിക്കുന്നതെന്തിനാണെന്നും ഹര്ജിക്കാരനോട് ചീഫ് ജസ്റ്റിസ് ചോദിച്ചു.ഫെഡറല് ഘടനയില് സംസ്ഥാന പൊലീസ് ആണ് കേസ് അന്വേഷിക്കേണ്ടന്നെും അത് വേണ്ടെന്ന് പറയുന്നത് അപക്വമാണ് എന്നും കോടതി പറഞ്ഞു. സംഭവം കഴിഞ്ഞിട്ട് പത്ത് ദിവസത്തില് താഴെ മാത്രമേ ആയുള്ളൂ. പത്ത് ദിവസത്തിനകം പൊലീസ് നടപടിയെടുക്കണമെന്ന് എങ്ങനെ പറയാനാകുമെന്നും ഹൈക്കോടതി ചോദിച്ചു.
സുതാര്യമായ അന്വേഷണം നടന്നില്ലെങ്കില് സിബിഐ അന്വേഷണം അനിവാര്യമാണ്.ഹര്ജിക്കാരന് ഏറെ നേരത്തെയാണ് സിബിഐ അന്വേഷണം ആവശ്യപ്പെടുന്നതെന്നും ചീഫ് ജസ്റ്റിസ് അധ്യക്ഷനായ ഡിവിഷന് ബെഞ്ച് അഭിപ്രായപ്പെട്ടു. ഹര്ജി ഹൈക്കോടതി രണ്ടാഴ്ച കഴിഞ്ഞ് പരിഗണിക്കും.
