തിരുവനന്തപുരം: മന്ത്രി ബിന്ദു കൃഷ്ണ പറഞ്ഞ തെറ്റായ കാര്യം ചൂണ്ടിക്കാട്ടി വിഡിയോ പുറത്തിറക്കിയ ബിര്ണാണി ശങ്കു എന്ന കുട്ടിയെ അങ്കണവാടിയില് നിന്ന് സസ്പെന്ഡ് ചെയ്തെന്ന് വ്യാജവാര്ത്ത പ്രചരിപ്പിച്ചെന്ന് പരാതി.ബിന്ദു കൃഷ്ണയുടെ പേഴ്സണല് സ്റ്റാഫ് അംഗം അഡ്വ. ത്രിദീപ് കുമാറാണ് പരാതി നല്കിയത്. സംസ്ഥാന ഡിജിപിക്കാണ് പരാതി സമര്പ്പിച്ചത്.
പത്രവാര്ത്ത എന്ന തോന്നുന്ന വിധം പ്രചരിച്ച ട്രോളിനെ തുടര്ന്നാണ് പരാതി. സാമൂഹ്യ മാധ്യമങ്ങളില് ‘വ്യാജവാര്ത്ത’ വലിയ രീതിയില് ശ്രദ്ധ നേടി. പോസ്റ്റ് വന്ന പേജുകളും ലിങ്കുകളും ഉള്പ്പെടെ സൂചിപ്പിച്ചാണ് ഡിജിപിക്ക് പരാതി നല്കിയത്.
വാര്ത്തയിലുള്ളതെല്ലാം അടിസ്ഥാനരഹിതമായ കാര്യങ്ങളാണ്.കൊച്ചുകുട്ടിയെ സസ്പെന്ഡ് ചെയ്യാന് മുഖ്യമന്ത്രി ശുപാര്ശ ചെയ്തു എന്നും പ്രചരിക്കുന്ന വാര്ത്തയിലുണ്ടെന്നും ഇത് തീര്ത്തും തെറ്റായ കാര്യമാണെന്നും പരാതിയില് പറയുന്നു.
അങ്കണവാടിയില് ബിര്ണാണി വേണമെന്ന് കൊഞ്ചിപ്പറയുന്ന വിഡിയോ വൈറലായതോടെയാണ് നേരത്തേ ശങ്കുവിനെ മലയാളികള് ഏറ്റെടുത്തത്. മന്ത്രി ബിന്ദു കൃഷ്ണ ശങ്കുവിന്റെ മുത്തശ്ശിയുടെ പേര് തെറ്റായി പറഞ്ഞതോടെ മന്ത്രിയെ തിരുത്തി ശങ്കു വിഡിയോയുമായി വീണ്ടും രംഗത്തെത്തി. ശങ്കു വീണ്ടും വൈറല് താരമായി.പിന്നാലെയാണ് മന്ത്രിയെ പരിഹസിക്കുന്ന തരത്തിലുളള വാര്ത്താ ട്രോള്.
