ഹുബ്ലി: കർണാടകയിലെ മുസ്ലീം മതനേതാക്കളും പുരോഹിതന്മാരും സംസ്ഥാന മന്ത്രിസഭയിൽ അഞ്ച് മുസ്ലീം നേതാക്കളെ ഉൾപ്പെടുത്തണമെന്ന് ആവശ്യപ്പെട്ടു. മുസ്ലീം വോട്ടർമാരുടെ പിന്തുണയോടെയാണ് കോൺഗ്രസ് സർക്കാർ അധികാരത്തിൽ വന്നതെന്നും അതിനാൽ സമുദായത്തിന് സർക്കാരിൽ ശരിയായ പ്രാതിനിധ്യം ലഭിക്കണമെന്നും അവർ പറയുന്നു. ബുധനാഴ്ച വൈകുന്നേരം ഹുബ്ലിയിലെ ബെല്ലിനഗറിലെ ഹസ്രത്ത് സയ്യിദ് ഫത്തേഹ് ഷാ വാലി ദർഗയിൽ നടന്ന മുസ്ലീം നേതാക്കളുടെയും പുരോഹിതരുടെയും യോഗത്തിലാണ് ഈ ആവശ്യം ഉന്നയിച്ചത്. ചടങ്ങിൽ പ്രത്യേക പ്രാർത്ഥനയും നടന്നു.
മുതിർന്ന കോൺഗ്രസ് നേതാക്കളായ ബി.ഇസഡ്. സമൂർ അഹമ്മദ് ഖാൻ, എൻ.എ. ഹാരിസ്, തൻവീർ സേട്ട്, സലിം അഹമ്മദ് എന്നിവരെ മന്ത്രിസഭയിൽ ഉൾപ്പെടുത്തണമെന്ന് യോഗം ആവശ്യപ്പെട്ടു. നിയമസഭാ സ്പീക്കർ യു.ടി. ഖാദറിന് ഇതിനകം തന്നെ ഒരു പ്രധാന ഭരണഘടനാ പദവി നൽകിയിട്ടുള്ളതിനാൽ, സമുദായത്തിലെ മറ്റ് നാല് മുതിർന്ന നേതാക്കളെയും മന്ത്രിമാരായി നിയമിക്കണമെന്ന് നേതാക്കൾ ആവശ്യപ്പെട്ടു.
“അഞ്ച് മുസ്ലീം നേതാക്കൾക്ക് കാബിനറ്റ് സ്ഥാനങ്ങൾ നൽകിയില്ലെങ്കിൽ, വരും ദിവസങ്ങളിൽ ഗുരുതരമായ പ്രത്യാഘാതങ്ങൾ ഉണ്ടാകുമെന്ന് ഞാൻ വ്യക്തമായി പറയാൻ ആഗ്രഹിക്കുന്നു. അത്തരമൊരു സാഹചര്യത്തിന് നിങ്ങൾ തന്നെയാണ് ഉത്തരവാദിയെന്ന്.”- സമ്മേളനത്തെ അഭിസംബോധന ചെയ്തുകൊണ്ട് ഒരു മതനേതാവ് പറഞ്ഞു.
മുസ്ലീം സമൂഹം എപ്പോഴും കോൺഗ്രസിനെ പിന്തുണച്ചിട്ടുണ്ട്’
മറ്റൊരു പുരോഹിതൻ പറഞ്ഞു. കർണാടകയിൽ കോൺഗ്രസ് സർക്കാർ രൂപീകരിക്കുമെന്ന വിശ്വാസത്തോടെയാണ് മുസ്ലീങ്ങളായ നാമെല്ലാവരും ഐക്യത്തോടെ കോൺഗ്രസ് പാർട്ടിക്ക് വോട്ട് ചെയ്യുന്നത്. ഈ സർക്കാരിനെ അധികാരത്തിലെത്തിക്കുന്നതിൽ ഞങ്ങൾ നിർണായക പങ്കുവഹിച്ചു. അതിനാൽ, ഞങ്ങളുടെ സമുദായത്തിലെ ശേഷിക്കുന്ന നാല് മുതിർന്ന നേതാക്കൾക്കും മന്ത്രിസ്ഥാനങ്ങൾ നൽകണമെന്ന് ഞങ്ങൾ ആവശ്യപ്പെടുന്നു. ഇന്ന്, ഈ ആവശ്യം ഉന്നയിക്കാൻ നാമെല്ലാവരും ഒറ്റക്കെട്ടായി ഇവിടെയുണ്ട്, അത് തുടരുകയും ചെയ്യുമെന്നും അദ്ദേഹം വ്യക്തമാക്കി.
കൂടാതെ മുസ്ലീം സമൂഹം എല്ലായ്പ്പോഴും കോൺഗ്രസ് പാർട്ടിയെ പിന്തുണയ്ക്കുന്നുണ്ടെന്നും സംസ്ഥാന രാഷ്ട്രീയത്തിൽ ഒരു പ്രധാന പങ്ക് വഹിക്കുന്നുണ്ടെന്നും യോഗത്തിൽ പങ്കെടുത്ത മത നേതാക്കൾ പറഞ്ഞു.
