തിരുവനന്തപുരം: താര സംഘടന അമ്മയിലെ പ്രശ്നങ്ങളില് പ്രതികരണവുമായി സാംസ്കാരിക മന്ത്രി പി സി വിഷ്ണുനാഥ്. ആഭ്യന്തര പ്രശ്നങ്ങള് അവര് തന്നെ പരിഹരിക്കാമെന്ന് ഭാരവാഹികള് ഉറപ്പുനല്കിയിട്ടുണ്ട്.
താര സംഘടനയുടെ ആഭ്യന്തര കാര്യങ്ങളില് സര്ക്കാര് ഇടപെടില്ല. എന്നാല് ഇടപെടേണ്ട സാഹചര്യങ്ങളില് ഇടപെടുമെന്നും മന്ത്രി പറഞ്ഞു. കുക്കു പരമേശ്വരന് അതുമായി ബന്ധപ്പെട്ട കാര്യങ്ങള് സംസാരിച്ചിട്ടുണ്ട്.
അന്സിബ ഹസന് അമ്മ ഭാരവാഹിത്വം രാജിവയ്ക്കുകയും നടന് ടിനി ടോമിനും നടി ലക്ഷ്മി പ്രിയയ്ക്കുമെതിരെ പൊലീസില് പരാതി നല്കുകയും ചെയ്തിരുന്നു.അമ്മ ജനറല് സെക്രട്ടറി കുക്കു പരമേശ്വരനും പ്രസിഡന്റ് ശ്വേത മേനോനും തമ്മില് പ്രശ്നമുണ്ടെന്ന തരത്തിലും വാര്ത്തകള് വന്നു. പ്രശ്നങ്ങള് ഈ മാസം 21 ന് പൊതുയോഗത്തില് ചര്ച്ച ചെയ്യുമെന്നാണ് ഭാരവാഹികള് അറിയിച്ചിട്ടുളളത്.
