തിരുവനന്തപുരം:കസ്റ്റഡി മര്‍ദനങ്ങള്‍ ഉള്‍പ്പടെ നിരവധി പരാതികളും ആരോപണങ്ങളും നേരിട്ട ഡിവൈഎസ്പി മധുബാബുവിന് സ്ഥാനക്കയറ്റം.കോട്ടയം അഡീഷണല്‍ എസ്പി ആയി നിയമിച്ചു. സീനിയര്‍ പൊലീസ് ഓഫീസേഴ്‌സ് അസോസിയേഷന്‍ നേതാവ് ആണ് മധുബാബു.
നേരത്തെ സ്ഥാനക്കയറ്റം നല്‍കുന്ന പട്ടികയില്‍ മധുബാബുവിനെ ഉള്‍പ്പെടുത്തിയത് വലിയ വിവാദങ്ങളുണ്ടാക്കിയിരുന്നു. വിവാദങ്ങളുടെ പശ്ചാത്തലത്തില്‍ മുഖ്യമന്ത്രി പങ്കെടുത്ത യോഗത്തില്‍ നിന്നുപോലും മധുബാബുവിനെ മാറ്റിനിര്‍ത്തിയിട്ടുണ്ട്.
അതേസമയം, പ്രൊമോഷന്‍ യോഗം ചേരും മുമ്പ് എല്ലാ ആരോപണങ്ങളിലും മധുബാബു കോടതിയില്‍ നിന്ന് സ്റ്റേ വാങ്ങുകയും തീര്‍പ്പാക്കുകയും ചെയ്തിരുന്നു. പിന്നാലെയാണ് സ്ഥാനക്കയറ്റപട്ടികയില്‍ ഉള്‍പ്പെട്ടത്.
