തിരുവനന്തപുരം : പ്രതിപക്ഷനേതാവ് പിണറായി വിജയന്റെ വീട്ടിൽ റെയ്ഡിനെത്തിയ ഇഡി ഉദ്യോഗസ്ഥരെ ആക്രമിച്ച സംഭവത്തിൽ സിപിഎം നേതാക്കളും കുടുങ്ങുമെന്ന് സൂചന. ഇഡിയെ ആക്രമിച്ച സിപിഎം അനുയായികളാണ് നിലവിൽ അറസ്റ്റിലായിരിക്കുന്നത് . എന്നാൽ ഇനി പിടിയിലാകുക നേതാക്കൾ തന്നെയാകും. മാത്രമല്ല കേന്ദ്ര ആഭ്യന്തരമന്ത്രാലയവും വിഷയത്തിൽ ഇടപെട്ട് കഴിഞ്ഞു.
പിടിയിലായ പ്രതികളുടെ വിവരങ്ങൾ , അക്രമത്തിന്റെ വീഡിയോ ദൃശ്യങ്ങൾ അടക്കമാണ് ആഭ്യന്തരമന്ത്രാലയം ആവശ്യപ്പെട്ടിരിക്കുന്നത് . മാത്രമല്ല ഈ വിഷയത്തിൽ കേന്ദ്രസർക്കാരിന് ഇഡി സംഘം കത്ത് നൽകിയിട്ടുമുണ്ട്. ഏതെങ്കിലും തരത്തിൽ പൊലീസ് കേസിൽ വീഴ്ച്ച വരുത്തിയാൽ അന്വേഷണം സിബിഐയോ, എൻ ഐ എയെയും ഏറ്റെടുക്കും അങ്ങനെയെങ്കിൽ യുഎപിഎ അടക്കമുള്ള വകുപ്പുകളും ചുമത്തും .
കേസിൽ ഇഡിയും കക്ഷി ചേരാൻ തീരുമാനിച്ച് കഴിഞ്ഞു. കേസിൽ തെളിവ് ശേഖരണം തുടങ്ങി. കേസിൽ സിപിഎം നേതാക്കളുടെ അറിവോടെയാണ് ആക്രമണമെന്നും, നേതാക്കളാണ് പ്രകോപനമുണ്ടാക്കിയതെന്നും ഇഡി പറയുന്നു. ഭരണഘടന സ്ഥാപനത്തിനു നേരെ നടത്തിയ ആക്രമണം ഗുരുതരമാണെന്നും ഇഡി വ്യക്തമാക്കിയിട്ടുണ്ട്. പല നേതാക്കളും ഈ ആക്രമണം നടക്കുമ്പോൾ അവിടെ ഉണ്ടായിരുന്നു. അതുകൊണ്ട് തന്നെ ഈ നേതാക്കളെയും പ്രതി ചേർക്കണമെന്നാണ് ഇഡി ആവശ്യപ്പെട്ടിരിക്കുന്നത് .
