കൊച്ചി: തപസ്യ കലാസാഹിത്യവേദി സുവര്ണ ജൂബിലി ആഘോഷ സമാപനത്തിന്റെ ഭാഗമായി ആലുവ വൈഎംസിഎയില് ജൂണ് 5, 6 തീയതികളില് മലയാളത്തിലെ പ്രമുഖ എഴുത്തുകാരും കവികളും കലാകാരന്മാരും സഹൃദയരും സംഗമിക്കുന്ന അക്ഷരോത്സവം സംഘടിപ്പിക്കും.
സമ്മേളനം ജൂണ് 5 രാവിലെ 9.30ന് പ്രശസ്ത നോവലിസ്റ്റ് സി. രാധാകൃഷ്ണന് ഉദ്ഘടനം ചെയ്യും. സ്വാഗതസംഘം അധ്യക്ഷന് സി. ദാമോദരന് അധ്യക്ഷത വഹിക്കും. തപസ്യ സംസ്ഥാന വര്ക്കിങ് പ്രസിഡന്റ് പ്രൊഫ. പി.ജി. ഹരിദാസ് സുവര്ണ ജയന്തി സന്ദേശം നല്കും. ഭാരതീയ വിചാര കേന്ദ്രം ഡയറക്ടര് ആര്. സഞ്ജയന് മുഖ്യപ്രഭാഷണം നടത്തും. സംസ്കാര് ഭാരതി ദേശീയ സമിതിയംഗം കെ. ലക്ഷ്മിനാരായണന്, തപസ്യ സംസ്ഥാന ജനറല് സെക്രട്ടറി കെ.ടി. രാമചന്ദ്രന് എന്നിവര് ആശംസയര്പ്പിക്കും. തപസ്യ ജില്ലാ അധ്യക്ഷന് വെണ്ണല മോഹന് സ്വാഗതവും ജില്ലാ വര്ക്കിങ് പ്രസിഡന്റ് എസ്. പ്രേംകുമാര് നന്ദിയും പറയും.
തുടര്ന്ന് നടക്കുന്ന സാഹിത്യ ചര്ച്ചയില് നോവലിസ്റ്റും ചിന്തകനുമായ എ.പി. അഹമ്മദ്, എഴുത്തുകാരന് കെ.എന്. ഷാജി, എഴുത്തുകാരി ഡോ. വി. സുജാത, ദല്ഹി സര്വകലാശാല മലയാള വിഭാഗം മേധാവി ഡോ. പി. ശിവപ്രസാദ്, എഴുത്തുകാരന് ജി. അമൃതരാജ് എന്നിവര് ‘സത്യാനന്തര കാലം സത്യമോ മിഥ്യയോ’ എന്ന വിഷയത്തില് സംസാരിക്കും. തപസ്യ സംസ്ഥാന ജോ. ജനറല് സെക്രട്ടറി സി.സി. സുരേഷ് അധ്യക്ഷത വഹിക്കും. സംസ്ഥാന സെക്രട്ടറി ടി.എസ്. നീലാംബരന് മോഡറേറ്ററാവും. ഇ.കെ. രാജവര്മ്മ സ്വാഗതവും ഡോ. രാധ മീര നന്ദിയും പറയും.
ഉച്ചതിരിഞ്ഞ് 2.30ന് നടക്കുന്ന കവിയരങ്ങ് പ്രശസ്ത കവിയും വിവര്ത്തകനുമായ ദേശമംഗലം രാമകൃഷ്ണന് ഉദ്ഘാടനം ചെയ്യും. കവിയും ഗാനരചയിതാവുമായ ഐ.എസ്. കുണ്ടൂര് അധ്യക്ഷത വഹിക്കും. പ്രമുഖ കവികളായ കല്ലറ അജയന്, വേണു വി. ദേശം, വി.കെ. സുധാകരന്, ഡോ. രാധ മീര, ശിവന് മുപ്പത്തടം തുടങ്ങിയവര് കവിതകള് അവതരിപ്പിക്കും. സുബ്ബു ചൊവ്വര നന്ദി പറയും.
ജൂണ് 6 രാവിലെ 9.30ന് നടക്കുന്ന സ്മൃതി സദസില് തപസ്യ, സംസ്ഥാന രക്ഷാധികാരിയും പരിസ്ഥിതി പ്രവര്ത്തകനുമായ പി.കെ. രാമചന്ദ്രന് അധ്യക്ഷത വഹിക്കും. കെടിയു മുന് വിസി ഡോ. കെ. ശിവപ്രസാദ് മുഖ്യാതിഥിയാകും. എം.വി. ദേവന്, എന്.കെ. ദേശം, എം.കെ. സാനു, പ്രൊഫ. തുറവൂര് വിശ്വംഭരന്, എസ്. രമേശന് നായര്, മങ്കൊമ്പ് ഗോപാലകൃഷ്ണന് എന്നിവരെ യഥാക്രമം വേണു വി. ദേശം, എം.ടി. ജോസഫ്, ബിനുരാജ് കലാപീഠം, എം. സതീശന്, വിദ്യാസാഗരന് ബി., വെണ്ണല മോഹന് എന്നിവര് അനുസ്മരിക്കും. പി.കെ. വിജയരാഘവന് സ്വാഗതവും വി.കെ. ബിജു നന്ദിയും പറയും.
തുടര്ന്ന് നടക്കുന്ന എഴുത്തുകാരുടെ സംഗമം പ്രശസ്ത നിരൂപകന് ആഷാ മേനോന് ഉദ്ഘാടനം ചെയ്യും. എഴുത്തുകാരന് എം. ശ്രീഹര്ഷന് അധ്യക്ഷത വഹിക്കും. പ്രശസ്ത നാടകകൃത്ത് ശ്രീമൂലനഗരം മോഹന്, സാഹിത്യകാരന് ശ്രീജിത്ത് മൂത്തേടത്ത്, നര്ത്തകി ഡോ. മേഘ ജോബി എന്നിവര് ആശംസയര്പ്പിക്കും. നാടകകൃത്ത് ശ്രീമൂലനഗരം മോഹന്, പ്രമുഖ ഗാനരചയിതാവ് ഐ.എസ്. കുണ്ടൂര്, നോവലിസ്റ്റും വിവര്ത്തകനുമായ വേണു വി. ദേശം, പരിസ്ഥിതി പ്രവര്ത്തകന് ശ്രീമന് നാരായണന്, മാധ്യമപ്രവര്ത്തകന് എം. രാജശേഖര പണിക്കര്, ശ്രീജിത്ത് മൂത്തേടത്ത് തുടങ്ങിയവരെ ആദരിക്കും. കെ.കെ. സുധാകരന് സ്വാഗതവും ജിതേന്ദ്രന് എസ്. മംഗലത്ത് നന്ദിയും പറയും.
വൈകിട്ട് 2.30ന് തുടങ്ങുന്ന സമാപന സമ്മേളനത്തില് തപസ്യ സംസ്ഥാന ഉപാധ്യക്ഷന് മുരളി പാറപ്പുറം അധ്യക്ഷത വഹിക്കും. പ്രമുഖ നാടകകൃത്ത് ഫ്രാന്സിസ് ടി. മാവേലിക്കര മുഖ്യാതിഥിയാകും. പ്രൊഫ. പി.ജി. ഹരിദാസ് മുഖ്യപ്രഭാഷണം നടത്തും. കെ. ലക്ഷ്മിനാരായണന്, തപസ്യ സംസ്ഥാന സംഘടനാ സെക്രട്ടറി സി. രജിത്കുമാര് എന്നിവര് ആശംസയര്പ്പിക്കും.
സമാപന സമ്മേളനത്തില് സിനിമാതാരം പൗളി വില്സന്, എടനാട് രാജന് നമ്പ്യാര് (ചാക്യാര്കൂത്ത്), ഡോ. ലക്ഷ്മി എസ്. മേനോന് (സംഗീതം), കലാമണ്ഡലം ശങ്കര വാര്യര് (മദ്ദളം), വെച്ചൂര് രമാദേവി (കുറത്തിയാട്ടം), രഞ്ജിനി സുരേഷ് (കഥകളി), ഗോപീകൃഷ്ണന് തമ്പുരാന് (ചെണ്ട), പ്രൊഫ. പി. അംബുജാക്ഷി ടീച്ചര് (തിരുവാതിര), ഡോ. ശാന്തകുമാരി (തിരുവാതിര) തുടങ്ങിയവരെ ആദരിക്കും. തപസ്യ സംസ്ഥാന സമിതിയംഗം കെ. സതീശ് ബാബു സ്വാഗതവും അക്ഷരോത്സവം ജനറല് കണ്വീനര് രാജീവ് കെ.വി. നന്ദിയും പറയും.
രണ്ട് ദിവസങ്ങളിലായുള്ള അക്ഷരോത്സവത്തില് കാവ്യകേളി, സോപാനസംഗീതം, ഡോക്യുമെന്ററി പ്രദര്ശനം തുടങ്ങിയവയുണ്ടാകും.
