കൊച്ചി: തപസ്യ കലാസാഹിത്യവേദിയുടെ സുവര്ണ ജൂബിലി ആഘോഷ സമാപനത്തിന്റെ ഭാഗമായി ആലുവ വൈഎംസിഎയില് ഇന്നും നാളെയുമായി മലയാളത്തിലെ പ്രമുഖ എഴുത്തുകാരും കവികളും കലാകാരന്മാരും സഹൃദയരും സംഗമിക്കുന്ന അക്ഷരോത്സവം നടക്കും.
ഇന്ന് രാവിലെ 9.30ന് എഴുത്തുകാരന് സി. രാധാകൃഷ്ണന് ഉദ്ഘടനം ചെയ്യും. സ്വാഗതസംഘം പ്രസിഡന്റ് സി. ദാമോദരന് അധ്യക്ഷനാകും. തപസ്യ സംസ്ഥാന വര്ക്കിങ് പ്രസിഡന്റ് പ്രൊഫ. പി.ജി. ഹരിദാസ് സുവര്ണജയന്തി സന്ദേശം നല്കും. ഭാരതീയ വിചാര കേന്ദ്രം ഡയറക്ടര് ആര്. സഞ്ജയന് മുഖ്യ പ്രഭാഷണം നടത്തും. സംസ്കാര്ഭാരതി ദേശീയ സമിതിയംഗം കെ. ലക്ഷ്മിനാരായണന്, തപസ്യ സംസ്ഥാന ജനറല് സെക്രട്ടറി കെ.ടി. രാമചന്ദ്രന് എന്നിവര് ആശംസയര്പ്പിക്കും. സാഹിത്യ ചര്ച്ചയില് നോവലിസ്റ്റും ചിന്തകനുമായ എ.പി. അഹമ്മദ്, എഴുത്തുകാരന് കെ.എന്. ഷാജി, എഴുത്തുകാരി ഡോ. വി. സുജാത, ദല്ഹി സര്വകലാശാല മലയാള വിഭാഗം മേധാവി ഡോ. പി. ശിവപ്രസാദ്, എഴുത്തുകാരന് ജി. അമൃത രാജ് എന്നിവര് സത്യാനന്തര കാലം സത്യമോ മിഥ്യയോ എന്ന വിഷയത്തില് സംസാരിക്കും. കവിയരങ്ങ് കവിയും വിവര്ത്തകനുമായ ദേശമംഗലം രാമകൃഷ്ണന് ഉദ്ഘാടനം ചെയ്യും.
നാളെ രാവിലെ 9.30ന് നടക്കുന്ന സ്മൃതി സദസില് സംസ്ഥാന രക്ഷാധികാരിയും പരിസ്ഥിതി പ്രവര്ത്തകനുമായ പി.കെ. രാമചന്ദ്രന് അധ്യക്ഷനാകും. കെടിയു മുന് വിസി ഡോ. കെ. ശിവപ്രസാദ് മുഖ്യാതിഥിയാകും. എം.വി. ദേവന്, എന്.കെ. ദേശം, എം.കെ. സാനു, പ്രൊഫ. തുറവൂര് വിശ്വംഭരന്, എസ്. രമേശന് നായര്, മങ്കൊമ്പ് ഗോപാലകൃഷ്ണന് എന്നിവരെ അനുസ്മരിക്കും. എഴുത്തുകാരുടെ സംഗമം പ്രശസ്ത നിരൂപകന് ആഷാ മേനോന് ഉദ്ഘാടനം ചെയ്യും. എഴുത്തുകാരന് എം. ശ്രീഹര്ഷന് അധ്യക്ഷനാകും. നാടകകൃത്ത് ശ്രീമൂലനഗരം മോഹന്, സാഹിത്യകാരന് ശ്രീജിത്ത് മൂത്തേടത്ത്, നര്ത്തകി ഡോ. മേഘ ജോബി എന്നിവര് ആശംസയര്പ്പിക്കും. പ്രമുഖ എഴുത്തുകാരെ ആദരിക്കും.
വൈകിട്ട് 2.30ന് തുടങ്ങുന്ന സമാപന സമ്മേളനത്തില് തപസ്യ സംസ്ഥാന ഉപാധ്യക്ഷന് മുരളി പാറപ്പുറം അധ്യക്ഷനാകും. പ്രമുഖ നാടകകൃത്ത് ഫ്രാന്സിസ് ടി. മാവേലിക്കര മുഖ്യാതിഥി ആയിരിക്കും. പ്രൊഫ. പി.ജി. ഹരിദാസ് മുഖ്യപ്രഭാഷണം നടത്തും. കെ. ലക്ഷ്മിനാരായണന്, തപസ്യ സംസ്ഥാന സംഘടനാ സെക്രട്ടറി സി. രജിത് കുമാര് എന്നിവര് ആശംസയര്പ്പിക്കും. സമാപന സമ്മേളനത്തില് സിനിമാതാരം പൗളി വില്സന്, എടനാട് രാജന് നമ്പ്യാര് (ചാക്യാര്കൂത്ത്), ഡോ. ലക്ഷ്മി എസ്. മേനോന് (സംഗീതം), കലാമണ്ഡലം ശങ്കര വാര്യര് (മദ്ദളം), വെച്ചൂര് രമാദേവി (കുറത്തിയാട്ടം), രഞ്ജിനി സുരേഷ് (കഥകളി), ഗോപീകൃഷ്ണന് തമ്പുരാന് (ചെണ്ട), പ്രൊഫ. പി. അംബുജാക്ഷി (തിരുവാതിര), ഡോ. ശാന്തകുമാരി (തിരുവാതിര) തുടങ്ങിയവരെ ആദരിക്കും. രണ്ട് ദിവസങ്ങളിലായുള്ള അക്ഷരോത്സവത്തില് കാവ്യകേളി, സോപാനസംഗീതം, ഡോക്യുമെന്ററി പ്രദര്ശനം എന്നിവയും നടക്കും.
