അതിർത്തി വേലി കെട്ടാൻ എത്തിയ ബിഎസ്എഫിനെ തടയാൻ ശ്രമിച്ച് ബംഗ്ലാദേശി സൈന്യം ; അനന്തരഫലങ്ങളും ബംഗ്ലാദേശികൾ അനുഭവിക്കേണ്ടി വരുമെന്ന് മിഥുൻ ചക്രവർത്തി

കൊൽക്കത്ത : ബംഗാളിൽ ബിജെപി സർക്കാർ അധികാരമേറ്റ് വെറും 45 ദിവസത്തിനുള്ളിൽ, അതിർത്തി വേലി കെട്ടൽ ആരംഭിച്ചു . എന്നാൽ കൂച്ച് ബെഹാറിലെ ‘ടീൻ ബിഘ ഇടനാഴി’ക്ക് സമീപം അതിർത്തി ഗാർഡ്സ് ബംഗ്ലാദേശ് (ബിജിബി) ഇത് തടയാൻ ശ്രമിച്ചുവെന്ന വാർത്തകളാണ് ഇപ്പോൾ പുറത്ത് വരുന്നത് . ഇതിന് മറുപടിയായി ബിജെപി നേതാവും നടനുമായ മിഥുൻ ചക്രവർത്തി രംഗത്തെത്തിയിട്ടുണ്ട്.

കൂച്ച് ബെഹാറിലെ കാൻസർ സെന്റർ സന്ദർശിക്കുന്നതിനിടെയാണ് ബംഗ്ലാദേശി സൈന്യത്തിന് മിഥുൻ ചക്രവർത്തിയുടെ മുന്നറിയിപ്പ് . ‘ ഈ വിഷയത്തിൽ കൂടുതൽ സംസാരിക്കാൻ ഞാൻ ആഗ്രഹിക്കുന്നില്ല. കാരണം കോപം കാരണം അനുചിതമോ അവിവേകമോ ആയ പരാമർശങ്ങൾ നടത്തിയേക്കാം. ഇനി ജോലി നിർത്തുമെന്ന് അവർ ഭീഷണിപ്പെടുത്തിയതിനാൽ, അതിന്റെ അനന്തരഫലങ്ങളും അനുഭവിക്കാൻ തയ്യാറാകണം ‘ എന്നും മിഥുൻ ചക്രവർത്തി പറഞ്ഞു.