കൊല്ക്കൊത്ത: ബംഗാളില് ബിജെപി അധികാരത്തില് വന്ന ശേഷം 10000 ബംഗ്ലാദേശികളെ നാടുകടത്തിയെന്ന് മുഖ്യമന്ത്രി സുവേന്ദു അധികാരി. അതിര്ത്തി രക്ഷാസേനയായ ബിഎസ് എഫാണ് നാടു കടത്തുന്നതെന്നും സുവേന്ദു അധികാരി പറഞ്ഞു.
അതേ സമയം മറ്റൊരു 1800 പേരെ ഹോള്ഡിംഗ് കേന്ദ്രങ്ങളില് പാര്പ്പിച്ചിരിക്കുകയാണ്. ഇവരെ ഏത് നിമിഷവും നാടുകടത്തും. 12 ഹോള്ഡിംഗ് കേന്ദ്രങ്ങളിലാണ് ഈ 1200 പേരെ പാര്പ്പിച്ചിരിക്കുന്നത്. അതേ സമയം, അനൗദ്യോഗികമായി എത്ര ബംഗ്ലാദേശികളാണ് ബംഗാള് വിട്ടോടിപ്പോയതെന്നത് അറിയില്ലെന്നും സുവേന്ദു അധികാരി ചൂണ്ടിക്കാട്ടി.
ദേശീയ സുരക്ഷാനടപടികളുടെ ഭാഗമായി കണ്ടെത്തുക, പേരുവെട്ടുക, പിന്നീട് നാടുകടത്തുക എന്ന പ്രക്രിയ ഒരു തടസ്സവുമില്ലാതെ തുടരും. നിയമവിരുദ്ധമായി താമസിക്കുന്നവരെ കണ്ടെത്തി നാടുകടത്തുന്നത് ഒരു ദൈനംദിന പ്രക്രിയയുടെ ഭാഗമായിരിക്കും. കേന്ദ്ര ഏജന്സികളും അതിര്ത്തി രക്ഷാസേനയായ ബിഎസ് എഫുമായി ചേര്ന്നാണ് ഈ നാടുകടത്തല് നടക്കുന്നത്. – സുവേന്ദു അധികാരി പറഞ്ഞു.
