തിരുവനന്തപുരം: കെഎസ്ആർടിസി ബസിൽ വനിതകൾക്ക് സൗജന്യയാത്ര ഉറപ്പ് നൽകി സർക്കാരിന്റെ നയപ്രഖ്യാപന പ്രസംഗം. കോളേജ് വിദ്യാർഥിനികൾക്ക് പ്രതിമാസം 1000 രൂപ നൽകുമെന്നും ഗവർണർ അവതരിപ്പിച്ച നയപ്രഖ്യാപനത്തിൽ പറയുന്നു. ഉമ്മൻചാണ്ടി ആരോഗ്യ ഇൻഷുറൻസ് പദ്ധതിയിൽ 25 ലക്ഷം രൂപയുടെ പരിരക്ഷ. ക്ഷേമ പെൻഷൻ 3000 രൂപയായി ഉയർത്തുമെന്നും നയപ്രഖ്യാപന പ്രസംഗത്തിൽ ഗവർണർ.
വയോജനങ്ങള്ക്ക് പ്രത്യേക വകുപ്പ് രൂപീകരണവും നയപ്രഖ്യാപന പ്രസംഗത്തിൽ പറയുന്നു. സഹകരണ മേഖലയിലെ തട്ടിപ്പുകൾ തടയാൻ കർശന നടപടി സ്വീകരിക്കും. സഹകരണ വിജിലൻസ് കൂടുതൽ കാര്യക്ഷമമാക്കുമെന്നും നിക്ഷേപം കൃത്യമായി മടക്കി നൽകാൻ പദ്ധതി രൂപീകരിക്കുമെന്നും നയപ്രഖ്യാപനം. ജനങ്ങൾക്ക് ഭക്ഷ്യസുരക്ഷ ഉറപ്പാക്കും. സൂപ്പർമാർക്കറ്റുകൾ നവീകരിക്കും. മാവേലി സ്റ്റോറുകയുടേയും റേഷൻ കടകളുടേയും എണ്ണം കൂട്ടും.
കാലാവസ്ഥാ വ്യതിയാനം സംസ്ഥാനത്തിന് വലിയ വെല്ലുവിളിയാണ്. ദുരന്ത നിവാരണത്തിൽ ജനകീയ പങ്കാളിത്തത്തോടെ പദ്ധതികൾ രൂപീകരിക്കുമെന്നും നയപ്രഖ്യാപനം.
