മാഡ്രിഡ്: ലോകപ്പ് ഫുട്ബോള് 2026നുള്ള സ്പാനിഷ് ഫുട്ബോള് ടീമിനെ പ്രഖ്യാപിച്ചു. ചരിത്രത്തില് ആദ്യമായി സ്പാനിഷ് ലാ ലിഗ വമ്പന് ടീം റയല് മാഡ്രിഡിന്റെ ഒരു താരങ്ങള് പോലും ലോകകപ്പ് ടീമില് ഉള്പ്പെട്ടില്ല.
സീസണ് അവസാനിച്ചതോടെ ടീം വിട്ട സൂപ്പര് താരം കര്വഹാലും ഹുയിസെനും പോലും ടീമില് ഇല്ല. കോച്ച് ലൂയിസ് ഡെ ലാ ഫ്വെന്റെ പ്രഖ്യാപിച്ച ടീമില് ബാഴ്സയുടെ പെഡ്രി അടക്കമുള്ള താരങ്ങള് ഉള്പ്പെട്ടു. ഡാനി ഓല്മോയും ടീമിലുണ്ട്. ഇത്തവണത്തെ ലോകകപ്പില് ഫ്രാന്സ്, അര്ജന്റീന ടീമുകള്ക്കൊപ്പം ഫേവറിറ്റുകളാണ് നിലവിലെ യൂറോ ജേതാക്കളായ സ്പെയിന്.
2024ല് യൂറോ നേടിയെങ്കിലും തൊട്ടടുത്ത വര്ഷം പോര്ച്ചുഗലിനോട് നേഷന്സ് ലീഗ് ഫൈനലില് പരാജയപ്പെട്ടിരുന്നു. 2010ല് ലോകകപ്പ് നേടിയ ടീം ആണ് സ്പെയിന്. ഇത്തവണ ഗ്രൂപ്പ് എച്ചില് ആണ് ഉള്പ്പെട്ടിരിക്കുന്നത്. 15നാണ് സ്പെയിന്റെ ആദ്യ മത്സരം. കേപ് വെര്ദെ ആണ് എതിരാളികള്. 21ന് രണ്ടാം മത്സരത്തില് സൗദി അറേബ്യയുമായും 27ന് ഉറുഗ്വേയുമായും ഏറ്റുമുട്ടും.
സ്പാനിഷ് ടീം
ഗോള്കീപ്പര്മാര്- ഉനായി സിമണ്, ഡേവിഡ് റായാ, യോവാന് ഗാര്ഷ്യ
പ്രതിരോധം- അയ്മെറിക് ലപോര്ട്ടെ, മാര്ക് കുകുറെല്ല, മാര്കോസ് ലോറെന്റെ, എറിക് ഗാര്ഷ്യ, പെഡ്രോ പോറോ, അലെക്സ് ഗ്രിമാള്ഡോ, പവു ഖുബാര്സി, മാര്ക് പുബില്
മധ്യനിര- റോഡ്രി, ഫാബിയന് റൂയിസ്, മൈക്കല് മെറിനോ, പെഡ്രി, ഗാവി, മാര്ട്ടിന് സുബിമെന്ഡി, അലെക്സ് ബയേന
മുന്നേറ്റം- ഫെറാന് ടോറസ്, മൈക്കല് ഒയര്സബാല്, ഡാനി ഓല്മോ, നിക്കോ വില്ല്യംസ്, ലാമിനെ യമാല്, യെറെമി പിനോ, ബോര്ജ ഇഗ്ലാസിയസ്, വിക്ടര് മുനോസ്
