കൊച്ചി: വേവിക്കാത്ത ആഹാരം പട്ടികളുടെ ആരോഗ്യത്തിന് നല്ലതാണെന്ന് ചിലര് പറയുന്നു. എന്നാല് മറ്റു ചിലര് ഇത് അംഗീകരിക്കുന്നില്ല. വേവിക്കാത്ത ആഹാരം നായ്കുളുടെ ആരോഗ്യത്തിന് നല്ലതാണെന്ന അഭിപ്രായമാണ് മൃഗ ഡോക്ടര്മാക്കും ഉള്ളത്. പാകം ചെയ്യാത്ത ഇറച്ചി നായകളെ ത്വക്ക് രോഗങ്ങള്, സന്ധിവാതം എന്നിവയില് നിന്ന് സംരക്ഷിക്കുമെന്ന് അവര് വാദിക്കുന്നു. ഇതിലൂടെ അവയുടെ ദന്തരോഗങ്ങളും ഇല്ലാതാകുമെന്ന് വെറ്ററിനറി ഡോക്ടര്മാര് പറയുന്നു.
ഇതിന് എതിരായ അഭിപ്രായവും ശക്തമാണ്. പാകം ചെയ്യാത്ത ആഹാര സാധനങ്ങള് നല്കുന്നത് പട്ടികള്ക്ക് അസുഖങ്ങള് വരാന് ഇടയാക്കുമെന്നാണ് ഇവരുടെ അഭിപ്രായം.
ഇനി ഇതേക്കുറിച്ച് വെറ്ററിനറി ഡോക്ടര്മാര് അനുകൂലമായി ഉയര്ത്തുന്ന വാദങ്ങള് നോക്കാം:
വേവിക്കാത്ത ഭക്ഷണം നായ്കളുടെ ദഹനം മെച്ചപ്പെടുത്തും. പാകം ചെയ്യാത്ത മാംസം മുതലായവ പട്ടികള്ക്ക് നല്കാവുന്നതാണ്. ഇത് അവന്റെ ദഹനത്തെ സഹായിക്കും. നിങ്ങള് പ്രതീക്ഷിക്കുന്നതിനേക്കാള് ആരോഗ്യം അവന് ലഭിക്കുകയും ചെയ്യും.
പാകം ചെയ്യാത്ത ആഹാരം പട്ടികള്ക്ക് കൂടുതല് ഊര്ജ്ജം പ്രദാനം ചെയ്യും. നിങ്ങളുടെ നായ എപ്പോഴും ചുറുചുറുക്കോടെ ഇരിക്കുന്നത് കാണാന് നിങ്ങള്ക്ക് ഇഷ്ടമല്ലേ? നിങ്ങള്ക്ക് ഇത് ഇഷ്ടമാണെങ്കില് വേവിക്കാത്ത ആഹാര സാധനങ്ങള് നല്കുക.
പാചകം ചെയ്യാത്ത ആഹാരസാധനങ്ങള് നായകളുടെ ആരോഗ്യത്തിന് വളരെ നല്ലതാണെന്ന് മനസ്സിലായി കഴിഞ്ഞാല് നിങ്ങളുടെ സംശയം അതോടെ തീരും.. വേവിക്കാത്ത ആഹാരം കഴിക്കുന്ന നായകളുടെ ശ്വാസത്തില് എപ്പോഴും നവോന്മേഷം ഉണ്ടാകും.
വെറ്ററിനറി ഡോക്ടര്മാരുടെ പ്രതികൂലവാദങ്ങള്
165 ഡിഗ്രി ഫാരന്ഹീറ്റിലെങ്കിലും ചിക്കന് വേവിച്ച ശേഷമേ കൊടുക്കാവൂ എന്നാണ് വിദേശ ഡോക്ടര്മാര് പറയുന്നത്. വേവിക്കാത്ത ചിക്കനില് ബാക്ടീരിയകള് ഉണ്ടാകുെമെന്നാണ് അവരുടെ വാദം. കേംപൈലോബാക്ടര്, സാല്മോണെല്ല തുടങ്ങിയ ബാക്ടീരിയകള് പച്ചഇറച്ചിയില് ഉണ്ടാകുമെന്ന് പറയുന്നു. ഇത് നായ്ക്കള്ക്ക് അപകടം വരുത്തുമെന്നാണ് അവരുടെ വാദം. പച്ച ഇറച്ചി തിന്ന ശേഷം നായ്ക്കള് പുറത്തുവിടുന്ന കാഷ്ഠത്തിലും ഈ ബാക്ടീരിയകള് ഉണ്ടാകാമെന്നും അത് മനുഷ്യനും ദോഷകമാണെന്നും ഒരു വിഭാഗം ഡോക്ടര്മാര് വാദിക്കുന്നുണ്ട്.
ചുരുക്കി പറഞ്ഞാല് ഇക്കാര്യത്തില് ഒരു അന്തിമവിധി പുറപ്പെടുവിക്കുക എളുപ്പമല്ല. ഇനി വേവിക്കാത്ത ചിക്കന് നല്കണമെന്നുള്ളവര് ഒരു കാര്യം ചെയ്യുക. നായ്ക്കളുടെ കുടല് രോഗപ്രതിരോധത്തിന് പേരുകേട്ടതാണ്. ഒരു വിധം ബാക്ടീരിയകള്ക്കൊന്നും അവിടെ ആക്രമിക്കാന് കഴിയില്ല. അതുകൊണ്ട് വേവിക്കാത്ത ഇറച്ചി നല്കിക്കഴിഞ്ഞാല് ഒരു 48 മണിക്കൂര് നേരം നിങ്ങളുടെ നായയെ നിരീക്ഷിക്കുക, വയറിളക്കമോ ദഹനക്കേടോ ഉണ്ടോ എന്ന് പരിശോധിക്കണം. ഉണ്ടെങ്കില് ഉടന് ഡോക്ടറെ കാണുക.
