കൊച്ചി: താരസംഘടന അമ്മയുടെ കുടുംബ സംഗമം സ്പോണ്‍സര്‍ ചെയ്തത് വിവാദ ദല്ലാള്‍ ചെയര്‍മാനായ ക്ഷേത്രം. ദല്ലാള്‍ നന്ദകുമാര്‍ ചെയര്‍മാനായ വെണ്ണല മഹാദേവ ക്ഷേത്രം ആണ് അമ്മയുടെ കുടുംബ സംഗമത്തിന്റെ പ്രധാന സ്പോണ്‍സര്‍.
‘അമ്മ’യുടെ കുടുംബ സംഗമത്തിന് 75 ലക്ഷം രൂപ നല്‍കുമെന്നായിരുന്നു ധാരണ. കുക്കു പരമേശ്വരനും ദല്ലാള്‍ നന്ദകുമാറുമാണ് കരാറില്‍ ഒപ്പുവച്ചത്. രണ്ട് ഘട്ടമായി പണം നല്‍കണമെന്നായിരുന്നു ധാരണ. ഇത് പ്രകാരം 30 ലക്ഷം രൂപ ക്ഷേത്രം മുന്‍കൂറായി നല്‍കി.ബാക്കി തുക വൈകാതെ മനല്‍കുമെന്ന് ദല്ലാള്‍ നന്ദകുമാര്‍ പറഞ്ഞു.
എക്‌സിക്യൂട്ടിവ് കമ്മിറ്റിയില്‍ അന്‍സിബ കരാറിനെ എതിര്‍ത്തെങ്കിലും ഭൂരിപക്ഷ പിന്തുണയോടെ സ്പോണ്‍സര്‍ഷിപ്പ് സ്വീകരിക്കുകയായിരുന്നു.അന്‍സിബ മുമ്പ് ക്ഷേത്ര പരിപാടിയില്‍ പണം വാങ്ങി പങ്കെടുത്തിട്ടുണ്ടെന്നും നന്ദകുമാര്‍ പറഞ്ഞു.
