ആലപ്പുഴ:ആഹാരം പാകം ചെയ്യവെ വിറകടുപ്പില് നിന്ന് വസ്ത്രത്തില് തീപിടിച്ച് പൊള്ളലേറ്റ് ചികിത്സയില് കഴിഞ്ഞിരുന്ന വീട്ടമ്മ മരിച്ചു.വയലാര് പഞ്ചായത്ത് അഞ്ചാം വാര്ഡില് താമസിക്കുന്ന വടക്കേവെളിയില് ചന്ദ്രശേഖരന് നായരുടെ ഭാര്യ ശ്രീക്കുട്ടി (45) ആണ് മരിച്ചത്.
കഴിഞ്ഞ പതിനെട്ടിന് രാവിലെ ഒന്പതരയോടെയാണ് സംഭവം ഉണ്ടായത്.പഴയ വീട്ടിലെ അടുക്കളയിലെ വിറകടുപ്പില് തീ കത്തിച്ച ശേഷം മുകളില് നിന്ന് സാധനമെടുക്കാന് അടുപ്പിന്റെ വശത്ത് കയറിയപ്പോള് ശ്രീക്കുട്ടിയുടെ വസ്ത്രത്തില് തീപിടിച്ചാണ് ഗുരുതര പൊളളലേറ്റത്.
അപകട സമയത്ത് വീട്ടില് മറ്റാരുമുണ്ടായിരുന്നില്ല.പൊള്ളലേറ്റ ശ്രീക്കുട്ടിയെ ചേര്ത്തല താലൂക്ക് ആശുപത്രിയിലും തുടര്ന്ന് കോട്ടയം മെഡിക്കല് കോളേജ് ആശുപത്രിയിലും പ്രവേശിപ്പിച്ചെങ്കിലും ഇന്ന് രാവിലെ മരിച്ചു. മകന്: അഭിജിത് (ടി എം എം സി ചേര്ത്തല).
