തിരുവനന്തപുരം: പാർട്ടിയുടെ പരാജയത്തിന്റെ പൂർണ്ണ ഉത്തരവാദിത്വം മുൻ മുഖ്യമന്ത്രി പിണറായി വിജയനാണെന്ന് പാറശ്ശാല സിപിഎം ഏരിയ സെക്രട്ടറി. അതുകൊണ്ട് തന്നെ പിണറായി എംഎൽഎസ്ഥാനം രാജിവെച്ച് മാതൃകയാവണം എന്നും പാറശാല ഏരിയ സെക്രട്ടറി അഡ്വ. എസ് അജയകുമാർ ആവശ്യപ്പെട്ടു. ഏരിയ കമ്മറ്റി റിപ്പോർട്ടിങ്ങിൽ വെച്ചായിരുന്നു അദ്ദേഹത്തിന്റെ ഈ പരാമർശം.
പാർട്ടി കോട്ടയിൽ പിണറായി ആറ് റൗണ്ട് പിന്നിൽ പോയി എന്നും. പ്രതിപക്ഷ നേതാവാകാൻ പിണറായി അയോഗ്യനാണ് എന്നും ഏരിയ കമ്മിറ്റി യോഗത്തിൽ വിമർശനമുയർന്നു. വെള്ളിയാഴ്ച നടന്ന ഏരിയ കമ്മിറ്റി യോഗത്തിലാണ് നേതൃത്വത്തിന് നേരെ വിമർശനം ഉയർന്നത്.
റിപ്പോർട്ടിങ്ങിൽ സിപിഐഎം സംസ്ഥാന സെക്രട്ടറിയേറ്റ് അംഗം കെ കെ ജയചന്ദ്രൻ പങ്കെടുത്തു. പിണറായി വിജയനെ പുകഴ്ത്തിക്കൊണ്ട് കാരണഭൂതൻ പാട്ടും തിരുവാതിരയും അവതരിപ്പിച്ച സമയത്തെ ഏരിയ സെക്രട്ടറി ആണ് വിമർശനം ഉന്നയിച്ച അഡ്വ എസ് അജയകുമാർ.
