ന്യൂദല്‍ഹി: ഇപ്പോള്‍ ഇന്ത്യ ഭരിയ്‌ക്കാം എന്ന കരുതിയ രാഹുല്‍ഗാന്ധിയ്‌ക്ക് ഞെട്ടലുണ്ടാക്കുന്ന പ്രവചനമാണ് ആക്സിസ് മൈ ഇന്ത്യയുടെ പ്രദീപ് ഗുപ്ത നടത്തുന്നത്- ഇനി 2034 വരെ ബിജെപി ഭരിയ്ക്കുമെന്ന് പ്രദീപ് ഗുപ്ത. കഴിഞ്ഞ 84 തെരഞ്ഞെടുപ്പുകളില്‍ 76ഉം ശരിയായി പ്രവചിച്ച പ്രദീപ് ഗുപ്ത തമിഴ്നാട്ടില്‍ നടന്‍ വിജയ് ഏറ്റവും വലിയ ഒറ്റകക്ഷിയാകുമെന്ന് പ്രവചിച്ച ഒരേയൊരു ആള്‍ ആണ്.
ഭരണനിര്‍വ്വഹണത്തിന്റെ കാര്യത്തില്‍ മികച്ച പ്രകടനം കാഴ്ചവെയ്‌ക്കുന്നതിനാലാണ് ബിജെപിയുടെ ആധിപത്യം തുടരുക തന്നെ ചെയ്യുമെന്ന് പ്രദീപ് ഗുപ്ത പറയുന്നത്. എന്തായാലും അടുത്ത 20 വര്‍ഷത്തേക്ക് ബിജെപി ഭരണം ശക്തമായി തുടരും.
പണ്ട് കോണ്‍ഗ്രസ് എങ്ങിനെയാണോ നിരവധി ദശകങ്ങള്‍ ഇന്ത്യ ഭരിച്ചത് അതിന് സമാനമായ കാലമാണ് ഇപ്പോഴുള്ളത്. അന്ന് കോണ്‍ഗ്രസിന്റെ കാലത്തുണ്ടായ ഒറ്റപ്പാര്‍ട്ടി ആധിപത്യം ഇന്ത്യയില്‍ ബിജെപിയിലൂടെ തുടരുകയാണെന്ന് പ്രദീപ് ഗുപ്ത പറയുന്നു. കോണ്‍ഗ്രസിനെ അവരുടെ മോശം ഭരണം നടത്തിയ ഭൂതകാലം വേട്ടയാടും.
