കൊച്ചി:മലയിടംതുരുത്തിലെ പട്ടികജാതി കുടുംബങ്ങളെ കുടിയൊഴിപ്പിക്കുന്നതില് കര്ശന നിര്ദേശം നല്കി കോടതി.ശനിയാഴ്ച കുടിയൊഴിപ്പിക്കല് പൂര്ത്തിയാക്കണമെന്നാണ് പെരുമ്പാവൂര് മുന്സിഫ് കോടതിയുടെ കര്ശന നിര്ദേശം.
ഉത്തരവ് നടപ്പാക്കി 23 ന് റിപ്പോര്ട്ട് നല്കണം.കോടതി ഉദ്യോഗസ്ഥര്ക്കും അഡ്വക്കേറ്റ് കമ്മിഷണര്ക്കും സുരക്ഷ ഉറപ്പാക്കാനും ആലുവ റൂറല് പൊലീസ് മേധാവിക്ക് കോടതി നിര്ദ്ദേശം നല്കി.
അതേസമയം, ഭൂമി കുടിയൊഴിപ്പിക്കലുമായി ബന്ധപ്പെട്ട പൊലീസ് നടപടികളെ കുറിച്ച് സമഗ്ര അന്വേഷണം നടത്തി മൂന്ന് ദിവസത്തിനകം റിപ്പോര്ട്ട് സമര്പ്പിക്കാന് ആഭ്യന്തരമന്ത്രി രമേശ് ചെന്നിത്തല വകുപ്പ് സെക്രട്ടറിക്ക് കത്ത് നല്കി.ആഭ്യന്തര വകുപ്പ് അഡീഷണല് ചീഫ് സെക്രട്ടറി ബിശ്വനാഥ് സിന്ഹക്ക് നല്കിയ കത്തിലാണ് പൊലീസ് മേധാവി റവാഡാ ചന്ദ്രശേഖര് മൂന്നു ദിവസത്തിനുള്ളില് അന്വേഷണ റിപ്പോര്ട്ട് സമര്പ്പിക്കണമെന്ന് ആഭ്യന്തരമന്ത്രി നിര്ദ്ദേശിച്ചത്.
ഈ വിഷയത്തില് പൊലീസിന്റെ നടപടികളില് എന്തെങ്കിലും പോരായ്മകളോ വീഴ്ചകളോ സംഭവിച്ചിട്ടുണ്ടോ എന്ന് അന്വേഷിക്കാനും ഇത്തരത്തിലുള്ള സന്ദര്ഭങ്ങള് ഭാവിയില് ഉണ്ടായാല് അത് പരിഹരിക്കാന് വേണ്ട നിര്ദ്ദേശങ്ങള് സമര്പ്പിക്കണമെന്നും അഡീഷണല് ചീഫ് സെക്രട്ടറിക്ക് നല്കിയ കത്തില് ആഭ്യന്തരമന്ത്രി ആവശ്യപ്പെട്ടിട്ടുണ്ട്.
