തിരുവനന്തപുരം: കേരള നിയമസഭാംഗങ്ങളായി സത്യപ്രതിജ്ഞ ചെയ്ത ബിജെപി അംഗങ്ങൾക്ക് ആശംസകൾ അർപ്പിച്ച് കേന്ദ്ര മന്ത്രി സുരേഷ് ഗോപി. ജനങ്ങളുടെ പ്രതീക്ഷകൾക്കൊത്ത് ഉയരാനും, കേരളത്തിന്റെ യഥാർത്ഥ വികസന സ്വപ്നങ്ങൾക്ക് നിയമസഭയ്ക്കുള്ളിൽ കരുത്തുറ്റ ശബ്ദമാകാനും ബിജെപി അംഗങ്ങൾക്ക് സാധിക്കട്ടെ എന്ന് പ്രാർത്ഥിക്കുന്നുവെന്ന് അദ്ദേഹം ഫേസ്ബുക്കിൽ കുറിച്ചു.
ശ്രീ. രാജീവ് ചന്ദ്രശേഖർ (നേമം), ശ്രീ. വി. മുരളീധരൻ (കഴക്കൂട്ടം), ശ്രീ. ബി.ബി. ഗോപകുമാർ (ചാത്തന്നൂർ) എന്നിവരുടെ നേതൃത്വം കേരള നിയമസഭയിൽ ദേശീയതയുടെ ശക്തമായ സാന്നിധ്യവും ജനകീയ ശബ്ദവുമായി മാറും എന്നതിൽ യാതൊരു സംശയവുമില്ലെന്നും സുരേഷ് ഗോപി പറഞ്ഞു.
ഫേസ്ബുക്ക് പോസ്റ്റ്:
കേരളത്തിന്റെ വികസനക്കുതിപ്പിന് കരുത്തേകാൻ ഇനി സഭയിൽ നമ്മളുമുണ്ട്🔥
കേരള നിയമസഭാംഗങ്ങളായി ഇന്ന് സത്യപ്രതിജ്ഞ ചെയ്ത് അധികാരമേല്ക്കുന്ന പ്രിയ സുഹൃത്തുക്കൾക്കും ജനനായകർക്കും ഹൃദയം നിറഞ്ഞ ആശംസകൾ.
ശ്രീ. രാജീവ് ചന്ദ്രശേഖർ (നേമം), ശ്രീ. വി. മുരളീധരൻ (കഴക്കൂട്ടം), ശ്രീ. ബി.ബി. ഗോപകുമാർ (ചാത്തന്നൂർ) എന്നിവരുടെ നേതൃത്വം കേരള നിയമസഭയിൽ ദേശീയതയുടെ ശക്തമായ സാന്നിധ്യവും ജനകീയ ശബ്ദവുമായി മാറും എന്നതിൽ യാതൊരു സംശയവുമില്ല.
ജനങ്ങളുടെ പ്രതീക്ഷകൾക്കൊത്ത് ഉയരാനും, കേരളത്തിന്റെ യഥാർത്ഥ വികസന സ്വപ്നങ്ങൾക്ക് നിയമസഭയ്ക്കുള്ളിൽ കരുത്തുറ്റ ശബ്ദമാകാനും നിങ്ങൾക്ക് സാധിക്കട്ടെ എന്ന് പ്രാർത്ഥിക്കുന്നു.
നിയമസഭയിലെ പുതിയ ദൗത്യത്തിന് എല്ലാവിധ ഭാവുകങ്ങളും!
