പത്തനംതിട്ട : സ്ത്രീ എന്ന വ്യാജേന സാമൂഹ്യ മാധ്യമ പ്രൊഫൈലുണ്ടാക്കി ലക്ഷങ്ങളുടെ തട്ടിപ്പ് നടത്തിയ കെഎസ്യു മുന് നേതാവ് അറസ്റ്റില്. ജിതിന് ടി വര്ഗീസ് ആണ് അറസ്റ്റിലായത്.ഒ എല് എക്സ്, ഫേസ്ബുക്ക് മുഖേനയാണ് തട്ടിപ്പ് നടത്തിയത്. ഒ എല് എക്സ് വഴി ശേഖരിച്ച ആളുകളുടെ തിരിച്ചറിയല് കാര്ഡ് ഉപയോഗിച്ച് ഫേസ്ബുക്കില് വ്യാജ പ്രൊഫൈല് സൃഷ്ടിച്ചാണ് തട്ടിപ്പ് നടത്തിയത്.
മെയില് എസ്കോര്ട്ടിനെ ആവശ്യമുണ്ട് എന്ന് പറഞ്ഞാണ് ആളുകളില് നിന്ന് ഗിഫ്റ്റ് കാര്ഡ്, ഗോള്ഡ് കാര്ഡ് തുടങ്ങിയവ തട്ടിയെടുത്തത്. പ്രതിയെ കോടതിയില് ഹാജരാക്കി റിമാന്ഡ് ചെയ്തു. സൈബര് സെല്ലിന്റെ സഹായത്തോടെയാണ് പ്രതിയെ പിടികൂടിയത്.
പരസ്യം കണ്ട് ബന്ധപ്പെടുന്നവരില് നിന്ന് രജിസ്ട്രേഷന് ഫീസ്, ക്ലൈന്റ് ബോഡി ഇന്ഷ്വറന്സ് ഫീസ്, മെഡിക്കല് വെരിഫിക്കേഷന് തുടങ്ങി വിവിധ കാര്യങ്ങള് പറഞ്ഞ് പല ഘട്ടങ്ങളായി വലിയ തുകകള് സ്വന്തം അക്കൗണ്ടിലേക്ക് ട്രാന്സ്ഫര് ചെയ്യിക്കുന്ന രീതിയായിരുന്നു ഇയാളുടെത്. പണം കൈക്കലാക്കിയ ശേഷം ഇവരെ ബ്ലോക്ക് ചെയ്യും. പിന്നെ മറ്റ് ഇരകളെ തേടും.
അടൂര് പൊലീസില് ലഭിച്ച പരാതിയില് സൈബര് സെല്ലിന്റെ സഹായത്തോടെ ബാങ്ക് അക്കൗണ്ടുകളും ഐപി വിലാസങ്ങളും കേന്ദ്രീകരിച്ച് നടത്തിയ അന്വേഷണത്തിലാണ് ജിതിന് കുടുങ്ങിയത്.
