തിരുവനന്തപുരം: അന്തരിച്ച എം.വി. രാഘവന് സ്ഥാപിച്ച സിഎംപി എന്ന പാര്ട്ടിയുടെ നേതാവും ഇപ്പോള് യുഡിഎഫ് കാബിനറ്റില് മന്ത്രിയുമായ സി.പി. ജോണിനെയും എം.വി. രാഘവന്റെ മകന് നികേഷ് കുമാറിനെയും താരതമ്യം ചെയ്തുകൊണ്ട് യുവരാജ് ഗോകുലിന്റെ ഫെയ്സ്ബുക്ക് പോസ്റ്റ് ചര്ച്ചയായി.
കാലം ഒരു മഹാസംഭവമാണ് എന്ന് പറഞ്ഞുകൊണ്ടുള്ള ഈ പോസ്റ്റില് എം.വി. രാഘവനൊപ്പം ഉറച്ചുനിന്ന സി.പി. ജോണിന് മന്ത്രിസ്ഥാനമെന്ന സൗഭാഗ്യത്തെയും എം.വി.രാഘവനെ ഇല്ലാതാക്കാന് ശ്രമിച്ച സിപിഎമ്മുകാരുടെ താവളത്തിലേക്ക് കാലുമാറിച്ചെന്ന മകന് നികേഷ് കുമാറിന്റെ ദുര്യോഗത്തെയും താരതമ്യം ചെയ്യുകയാണ് യുവരാജ് ഗോകുല്.
ആ ഫെയ്സ്ബുക്ക് പോസ്റ്റ് വായിക്കാം:
“ഇന്നത്തെ ദിവസം ഇത് പറയണം. എന്ന് തോന്നി…
കാലം എന്നതൊരു മഹാസംഭവമാണ്….
ഒരാള് എം.വി രാഘവനൊപ്പം എല്ലാം ഉപേക്ഷിച്ച് ഇറങ്ങി പുറപ്പെട്ടു…. എന്തൊക്കെ പ്രതിസന്ധി വന്നിട്ടും നിലപാടില് അയഞ്ഞില്ല…. അയാള് ഇന്ന് ഈ രാജ്യത്തെ ഏക കമ്മ്യൂണിസ്റ്റ്കാരനായ മന്ത്രിയായി സത്യപ്രതിജ്ഞ ചെയ്യുന്നു….
മറ്റൊരാള് എം.വി രാഘവന്റെ വളര്ച്ചയുടെ നേരിട്ടുള്ള ഗുണഭോക്താവ്…. ആരാണോ എം.വി.ആര് നെ കൊ.ല്ലാന് നോക്കിയത് അവരുമായ് പിന്നീട് സൗഹൃദം സ്ഥാപിച്ച് അച്ഛന്റെ പോരാട്ടത്തെ ഒന്നുമല്ലാതാക്കി കളഞ്ഞൊരാള്…. അയാള് ഇന്ന് ഒരു സൈബര് സഖാവായി മാത്രം ഒതുങ്ങുന്നു….
കാലം ഒരു മഹാസംഭവമാണ്…”
