യോഗ്യത: എസ്എസ്എല്സിയും ഇലക്ട്രീഷ്യന്/വയര്മാന് ട്രേഡ് സര്ട്ടിഫിക്കറ്റും
പ്രായപരിധി 18-40, എസ്സി/എസ്ടി/പിന്നാക്ക വിഭാഗങ്ങള്ക്ക് നിയമാനുസൃത ഇളവുണ്ട്
വിശദവിവരങ്ങളടങ്ങിയ വിജ്ഞാപനം www.keralapsc.gov.in ല്
ഒറ്റത്തവണ രജിസ്ട്രേഷന്, അപേക്ഷ ജൂണ് 3 രാത്രി 12 വരെ
കേരള സ്റ്റേറ്റ് ഇലക്ട്രിസിറ്റി ബോര്ഡില് (കെഎസ്ഇബി) ജില്ലാടിസ്ഥാനത്തില് ഇലക്ട്രിസിറ്റി വര്ക്കര്മാരെ തെരഞ്ഞെടുക്കുന്നു. ശമ്പള നിരക്ക് 24,400-43,600 രൂപ. ജനറല് റിക്രൂട്ട്മെന്റ് വഴി നേരിട്ടുള്ള നിയമനമാണ്. (കാറ്റഗറി നമ്പര് 21/2026) കേരള പബ്ലിക് സര്വീസ് കമ്മീഷനാണ് റിക്രൂട്ട്മെന്റിനായി അപേക്ഷ ക്ഷണിച്ചിട്ടുള്ളത്. വിശദവിവരങ്ങളടങ്ങിയ വിജ്ഞാപനം ഏപ്രില് 30 ലെ അസാധാരണ ഗസറ്റിലും പിഎസ്സിയുടെ ഔദ്യോഗിക വെബ്സൈറ്റായ www.keralapsc.gov.in/notifications- ലിങ്കിലും ലഭിക്കും. വനിതകളെയും പരിഗണിക്കും.
എസ്എസ്എല്സിയും ഇലക്ട്രീഷ്യന്/വയര്മാന് ട്രേഡില് രണ്ടുവര്ഷത്തെ അംഗീകൃത സര്ട്ടിഫിക്കറ്റും ഉള്ളവര്ക്ക് അപേക്ഷിക്കാം. ഇനി പറയുന്ന ശാരീരിക യോഗ്യതകള് ഉണ്ടായിരിക്കണം. ഉയരം പുരുഷന്മാര്ക്ക് 5’2” (157.48 സെ.മീറ്റര്), വനിതകള്ക്ക് 4’9” (144.78 സെ.മീറ്റര്), സാധാരണ കാഴ്ചശക്തിയുണ്ടായിരിക്കണം. പുറംജോലികള് ചെയ്യാനുള്ള ഫിസിക്കല് ഫിറ്റ്നസുണ്ടാകണം. ശാരീരിക ക്ഷമത തെളിയിക്കുന്നതിന് നിര്ദ്ദിഷ്ട ഫോറത്തില് ഒരു മെഡിക്കല് സര്ട്ടിഫിക്കറ്റ് ഹാജരാക്കണം.
പ്രായപരിധി 18-40 വയസ്. പട്ടികജാതി/വര്ഗ്ഗക്കാര്ക്കും മറ്റ് പിന്നാക്ക വിഭാഗത്തിലുള്ളവര്ക്കും നിയമാനുസൃത വയസ്സിളവുണ്ട്.
വിവിധ ജില്ലകളിലായി 985 ഒഴിവുകളാണുള്ളത്. (തിരുവനന്തപുരം 101, കൊല്ലം 49, പത്തനംതിട്ട 24, ആലപ്പുഴ 70, കോട്ടയം 64, ഇടുക്കി 96, എറണാകുളം 139, തൃശൂര് 62, പാലക്കാട് 68, മലപ്പുറം 64, കോഴിക്കോട് 117, വയനാട് 26, കണ്ണൂര് 73, കാസര്ഗോഡ് 32). ഒരാള്ക്ക് ഒരു ജില്ലയിലേക്കു മാത്രം അപേക്ഷിക്കാം. അതത് ജില്ലകളില് പ്രതേ്യകം റാങ്ക്ലിസ്റ്റ് തയ്യാറാക്കി നിയമനം നല്കും. റാങ്ക്ലിസ്റ്റിന് 1-3 വര്ഷം വരെ പ്രാബല്യമുണ്ടായിരിക്കും.
യോഗ്യരായ ഉദ്യോഗാര്ത്ഥികള്ക്ക് വിജ്ഞാപനത്തിലെ നിര്ദ്ദേശപ്രകാരം ഒറ്റതവണ രജിസ്ട്രേഷന് നടത്തി ഓണ്ലൈനില് ജൂണ് 3 രാത്രി 12 വരെ അപേക്ഷിക്കാവുന്നതാണ്.
