കൊല്ലം: വജൈനല് സര്ജറി ചെയ്യുന്ന ഗൈനക്കോളജി ചികിത്സാ വിദഗ്ധരുടെ സംഘടനയായ സൊസൈറ്റി ഓഫ് വജൈനല് സര്ജന്സ് ഓഫ് ഇന്ത്യ (സോവ്സി) ഒന്നാം സംസ്ഥാന സമ്മേളനം കൊല്ലം ക്വയ്ലോണ് ബീച്ച് ഹോട്ടലില് സമാപിച്ചു. സോവ്സി കൊല്ലം ചാപ്റ്ററാണ് സമ്മേളനം സംഘടിപ്പിച്ചത്.
സമാപന പൊതുസമ്മേളനം സോവ്സി സംസ്ഥാന പ്രസിഡന്റ് ഡോ. റീന എന്.ആര്. ഉദ്ഘാടനം ചെയ്തു. സംഘാടക സമിതി സെക്രട്ടറി ഡോ. മിനുപ്രിയ എസ്. അധ്യക്ഷത വഹിച്ചു. സംസ്ഥാന സെക്രട്ടറി ഡോ. ദീപ്തി എം., ജനറല് കണ്വീനര് ഡോ. വേണുഗോപാല്. എം, സംഘാടക സമിതി സെക്രട്ടറി ഡോ. രാജേഷ് ജി., ദേശീയ ജോയിന്റ് സെക്രട്ടറി എലിസബത്ത് ജേക്കബ്, സയന്റിഫിക് കമ്മിറ്റി ചെയര്പേഴ്സണ് ഡോ. സംഗീത മേനോന്, ഡോ. കവിത വാസുദേവന്, ഡോ. അനു ലക്ഷ്മി, ഡോ. അഞ്ജു മാധവന്, ഡോ. വിധു വി. നായര്, ഡോ. മഞ്ജു.വി.കെ. എന്നിവര് സംസാരിച്ചു.
കേരളത്തില് നിന്നും മറ്റു സംസ്ഥാനങ്ങളില് നിന്നുമായി 500 ഗൈനക് സര്ജന്മാര് പങ്കെടുത്തു. സംസ്ഥാനത്തെ വിവിധ മെഡിക്കല് കോളജുകളില് നിന്നുമായി 150 പിജി വിദ്യാര്ത്ഥികളും സമ്മേളനത്തിനെത്തിയിരുന്നു. രണ്ട് ദിവസങ്ങളിലായി നൂറോളം പ്രബന്ധങ്ങള് അവതരിപ്പിച്ചു. ഗൈനക്കോളജിയുമായി ബന്ധപ്പെട്ട വിവിധ വിഷയങ്ങളില് ചര്ച്ചകളും നടന്നു.
മുതിര്ന്ന ഗൈനക് സര്ജന്മാരായ ഡോ. വി.പി. പൈലി, ഡോ. എച്ച്.പി. പട്നായിക്, ഡോ. പി.സി. മഹാപത്ര, ഡോ. അപൂര്വ്വ ബി. പഞ്ചോളി, ഡോ. ശ്രീകല പ്രസാദ്, ഡോ. ലില്ലി വര്ഗീസ് എന്നിവര് ചര്ച്ചകള് നയിച്ചു. പിജി വിദ്യാര്ത്ഥികള് പ്രബന്ധങ്ങളും വീഡിയോകളും പോസ്റ്ററുകളും അവതരിപ്പിച്ചു. വിവിധ കലാപരിപാടികളും നടന്നു. സമ്മേളനത്തിന്റെ ഭാഗമായി ആരോഗ്യരംഗത്തെ വിവിധ മേഖലകളെ സമന്വയിപ്പിച്ച് 25 സ്റ്റാളുകളും ഒരുക്കിയിരുന്നു.
സംസ്ഥാന ഭാരവാഹികള്
കൊല്ലം: സൊസൈറ്റി ഓഫ് വജൈനല് സര്ജന്സ് ഓഫ് ഇന്ത്യ (സോവ്സി) കേരള ചാപ്റ്ററിന്റെ പുതിയ ഭാരവാഹികളെ തെരഞ്ഞെടുത്തു. ഡോ. റീന. എന്.ആര്. (പ്രസിഡന്റ്), ഡോ. ജ്യോതി ആര്. ചന്ദ്രന്, ഡോ. ഷീബ ടി. ജോസഫ് (വൈസ് പ്രസിഡന്റ്), ഡോ. ദീപ്തി എം. (സെക്രട്ടറി), ഡോ. മഞ്ജുള എം. (ജോയിന്റ് സെക്രട്ടറി), ഡോ. ലോലാ രാമചന്ദ്രന് (ട്രഷറര്), ഡോ. ദീപക് എ.വി. (ജോയിന്റ് ട്രഷറര്), ഡോ. വേണുഗോപാല് എം. (കണ്വീനര്) എന്നിവരാണ് ഭാരവാഹികള്.
