അയോധ്യയിൽ ഭൂമി വാങ്ങി നടൻ രൺബീർ കപൂർ . “ദി സരയു” എന്ന അയോധ്യയിലെ റിയൽ എസ്റ്റേറ്റ് പ്രോജക്റ്റിൽ നിന്നാണ് രൺബീർ കപൂർ ഭൂമി വാങ്ങിയത്. 3.31 കോടിക്ക് കരാർ ഒപ്പിട്ടതായി കമ്പനി അറിയിച്ചു. 2,134 ചതുരശ്ര അടി ഭൂമിയാണ് രൺബീർ സ്വന്തമാക്കിയത്.
അമിതാഭ് ബച്ചന് ശേഷം “ദി സരയു”വിൽ നിക്ഷേപിക്കുന്ന രണ്ടാമത്തെ നടനാണ് രൺബീർ കപൂർ . സരയു നദിയുടെ തീരത്ത് സ്ഥിതി ചെയ്യുന്ന 75 ഏക്കർ വിസ്തൃതിയുള്ള പദ്ധതിയാണ് “ദി സരയു”. ഗ്രാൻഡ് ക്ലബ്ഹൗസ്, ജീവിതശൈലി സൗകര്യങ്ങൾ, ദി ലീല ഹോട്ടൽസിന്റെ അഞ്ച് ഏക്കർ വിസ്തൃതിയുള്ള, സസ്യാഹാരികൾക്ക് മാത്രമുള്ള ആഡംബര ഹോട്ടൽ എന്നിവ ഈ പദ്ധതിയിൽ ഉൾപ്പെടുന്നു.
അയോധ്യ തന്നെ തിരഞ്ഞെടുത്തതായി തോന്നുന്നുവെന്നാണ് രൺബീർ പ്രസ്താവനയിൽ പറയുന്നത് . ഇന്ത്യയുടെ ചരിത്രത്തിന്റെയും സാംസ്കാരിക പൈതൃകത്തിന്റെയും ഒരു പ്രധാന ഭാഗമാണ് അയോധ്യയെന്നും “ദി സരയു”വിലെ ഭൂമി തന്റെ കുടുംബത്തിന്റെ പൈതൃകത്തിന്റെ ഭാഗമായി മാറുമെന്നും അദ്ദേഹം പറഞ്ഞു. സംവിധായകൻ നിതേഷ് തിവാരിയുടെ “രാമായണം” എന്ന ചിത്രത്തിൽ രൺബീർ ശ്രീരാമനായി എത്തുകയാണിപ്പോൾ രൺബീർ കപൂർ .
