ഇടുക്കി: ഡീന് കുര്യാക്കോസ് എം പി മൂക്കാതെ പഴുത്ത നേതാവെന്ന് തുറന്നടിച്ച് ഇടുക്കി ഡിസിസി പ്രസിഡന്റ് സി പി മാത്യു.എം പിയെ കൊണ്ട് ഒരു ഗുണവും ഉണ്ടായിട്ടില്ലെന്നും അദ്ദേഹം പറഞ്ഞു.
എം പി എന്നാല് മെമ്പര് ഓഫ് പഞ്ചായത്ത് ആവരുതെന്നും സി പി മാത്യു പ്രതികരിച്ചു. വി ഡി സതീശന് അനുകൂല പ്രകടനം നടത്തിയവര്ക്കെതിരെ നടപടിയെടുത്തതില് ഡീന് കുര്യക്കോസ് പരസ്യ വിമര്ശനം ഉയര്ത്തിയ പശ്ചാത്തലത്തിലാണ് ഡിസിസി പ്രസിഡന്റിന്റെ മറുപടി.
എം പിക്ക് ഒരുപാട് മൂക്കാതെ പഴുത്തതിന്റെ കുഴപ്പമാണ്. എംപിക്ക് കോണ്ഗ്രസിന്റെ ഔദ്യോഗിക സ്ഥാനമാനങ്ങളൊന്നുമില്ല.എംപി എംപിയുടെ പണി നോക്കിയാല് മതി. ഡിസിസി പ്രസിഡന്റ് എന്ന നിലയില് ചെയ്യാനുള്ള പണി തനിക്ക് അറിയാം.മറ്റു ജില്ലകളിലെ എംപിമാര് ജില്ലാ കോണ്ഗ്രസ് കമ്മിറ്റിയെ സഹായിക്കാറുണ്ട്. ഡീന് കുര്യാക്കോസിന്റെ ഭാഗത്ത് നിന്ന് ഇത്തരമൊരു ഇടപെടല് ഉണ്ടായിട്ടില്ല- സി പി മാത്യു പറഞ്ഞു.
അതിനിടെ, ഡീന് കുര്യാക്കോസിനെതിരായ പരാമര്ശത്തില് ഡിസിസി പ്രസിഡന്റിനെതിരെ ജില്ലയിലെ കൂടുതല് നേതാക്കള് രംഗത്തെത്തി. സി പി മാത്യുവിനെ സ്ഥാനത്തുനിന്ന് നീക്കണമെന്ന് നേതാക്കള് ആവശ്യപ്പെട്ടു.
പി ടി തോമസിന്റെ അധ്വാനവും വിയര്പ്പും ആണ് ഡീനിന്റെ എംപി സ്ഥാനമെന്ന് സി പി മാത്യു വിമര്ശിച്ചു.
്അതിനിടെ,ഡീന് കുര്യാക്കോസിന്റെ സംഘടന പ്രവര്ത്തന പാരമ്പര്യം വിശദീകരിച്ച് ഫേസ്ബുക്ക് പോസ്റ്റ് ഇട്ടാണ് ഡിസിസി ജനറല് സെക്രട്ടറി ബിജോ മാണിയുടെ പ്രതികരണം. ഇത്രയും മൂപ്പ് തല്ക്കാലം മതിയെന്ന് ഡിസിസി ജനറല് സെക്രട്ടറി ബിജോ മാണി ഫേസ്ബുക്കില് കുറിച്ചു.
