തിരുവനന്തപുരം:സംസ്ഥാനത്ത് മുഴുവന് മന്ത്രിമാരും തിങ്കളാഴ്ച സത്യപ്രതിജ്ഞ ചെയ്യും. നിയമസഭ 21ന് ചേരുമ്പോള് എംഎല്എമാരും സത്യപ്രതിജ്ഞ ചെയ്യും.
മുഴുവന് മന്ത്രിസഭാംഗങ്ങളെയും തിങ്കളാഴ്ചയ്ക്ക് മുമ്പ് നിശ്ചയിക്കാനാണ് ശ്രമം. നിയമസഭ കക്ഷിയോഗം പൂര്ത്തിയായ ശേഷം സര്ക്കാര് രൂപീകരണത്തിനായി നിയുക്ത മുഖ്യമന്ത്രി വി ഡി സതീശന് ഗവര്ണറെ കാണുകയും പിന്തുണക്കത്ത് കൈമാറുകയും ചെയ്തു.
വൈകിട്ട് നടന്ന നിയമസഭ കക്ഷി യോഗത്തില് വിഡി സതീശനെ കോണ്ഗ്രസ് നിയമസഭ കക്ഷി നേതാവായി തെരഞ്ഞെടുത്തു. സണ്ണി ജോസഫ് അവതരിപ്പിച്ച പ്രമേയം തിരുവഞ്ചൂര് രാധാകൃഷ്ണന് പിന്താങ്ങി. എഐസിസി തീരുമാനം ദീപദാസ് മുന്ഷി യോഗത്തെ അറിയിച്ചു. അതിന് ശേഷം സണ്ണിജോസഫും മുകള് വാസനിക്കും വിഡി സതീശനും സംസാരിച്ചു. യോഗത്തില് കെ സി വേണുഗോപാലിന്റെ സേവനം സതീശന് എടുത്തുപറഞ്ഞു.
