പാലക്കാട്:ജില്ലയില്‍ 800 ഓളം തൃണമൂല്‍ കോണ്‍ഗ്രസ് പ്രവര്‍ത്തകര്‍ പി.കെ. ശശിയുടെ ഡിഎംഎഫില്‍ ചേര്‍ന്നു.ഈ മാസം 14 ന് നടക്കുന്ന കണ്‍വെന്‍ഷനില്‍ പങ്കെടുക്കുമെന്ന് പ്രവര്‍ത്തകര്‍ അറിയിച്ചു.
ജില്ലയില്‍ സിപിഎമ്മിലെ തര്‍ക്കത്തിന്റെ പശ്ചാത്തലത്തില്‍ ജില്ലാ നേതൃത്വത്തോട് കലഹിച്ച് പാര്‍ട്ടി വിട്ടവരെ ഒപ്പം കൂട്ടാനും നീക്കം നടക്കുന്നുണ്ട്. സിപിഎം പാലക്കാട് ഏരിയ കമ്മിറ്റി അംഗമായിരുന്ന അബ്ദുല്‍ ഷുക്കൂറുമായി ഡിഎംഎഫ് നേതാക്കള്‍ ചര്‍ച്ച നടത്തി.
ഡിഎംഎഫ് ജില്ലാ സെക്രട്ടറി എം സതീഷിന്റെ നേതൃത്വത്തിലാണ് ചര്‍ച്ച നടന്നത്. സിപിഎം പാലക്കാട് ജില്ലാ നേതൃത്വത്തിനെതിരായ പോരാട്ടത്തില്‍ കൂടെ നില്‍ക്കണമെന്ന് ഡിഎംഎഫ് നേതാക്കള്‍ അബ്ദുല്‍ ഷുക്കൂറിനോട് ആവശ്യപ്പെട്ടു. ഈ മാസം 14 ന് നടക്കുന്ന ജില്ലാ കൗണ്‍സിലിന് മുമ്പ് അബ്ദുല്‍ ഷുക്കൂറും നിരവധി സിപിഎം പ്രവര്‍ത്തകരും ഡിഎംഎഫിന്റെ ഭാഗമാകുമെന്ന് നേതാക്കള്‍ അറിയിച്ചു.
