കോട്ടയം: പാമ്പുകളില്‍ നിന്ന് കര്‍ഷകരെ രക്ഷിക്കാന്‍ കേന്ദ്ര സര്‍ക്കാര്‍ വികസിപ്പിച്ച അത്യാധുനിക സ്മാര്‍ട്ട് വടിയായ കിസാന്‍ മിത്ര ചടി ശ്രദ്ധേയമാകുന്നു. പാമ്പിനെ കണ്ടെത്തുന്നതാണ് ഈ ഉപകരണം.
ഇന്‍ഫ്രാറെഡ് റേഡിയേഷന്‍, അള്‍ട്രാസോണിക് സെന്‍സറുകള്‍, ചലന നിരീക്ഷണ സംവിധാനം എന്നിവ ഉപയോഗിക്കുന്ന സ്മാര്‍ട്ട് സ്റ്റിക്ക് ഉപയോഗിച്ച് 5 മുതല്‍ 15 മീറ്റര്‍ (ഏകദേശം 100 അടി വരെ) ദൂരത്തില്‍ പാമ്പുണ്ടെങ്കില്‍ കണ്ടെത്താം. പാമ്പിനെ കണ്ടെത്തിയാല്‍, ഈ വടിയില്‍ ഉണ്ടാകുന്ന വൈബ്രേഷനാണ് കര്‍ഷകനുള്ള മുന്നറിയിപ്പ്. പാമ്പുകളെ ഉപദ്രവിക്കാതെ, കര്‍ഷകര്‍ക്ക് ഭയമില്ലാതെ കൃഷിയിടങ്ങളില്‍ ജോലി ചെയ്യാനും പ്രകൃതിദത്ത ജൈവവൈവിധ്യം നിലനിര്‍ത്താനും ഇത് സഹായിക്കുന്നു. മധ്യപ്രദേശിലെ റായ്സെനില്‍ ജാതീയ കൃഷി മേളയില്‍ കേന്ദ്ര മന്ത്രി ശിവരാജ് സിങ് ചൗഹാ
നാണ് സ്റ്റിക്ക് പുറത്തിറക്കിയത്.
രാത്രിയില്‍ ജോലി ചെയ്യുന്ന കര്‍ഷകര്‍ക്ക് വലിയൊരു സുരക്ഷാ കവചമാണിത്. രാജ്യത്ത് പ്രതിവര്‍ഷം 46,000 പേരാണ് പാമ്പ് കടിയേറ്റ് മരിക്കുന്നത്. ഇതില്‍ 80 ശതമാനം മരണവും കൃത്യസമയത്ത് ആശുപത്രിയില്‍ എത്താന്‍ കഴിയാത്തതുകൊണ്ടാണ്.
കാഴ്ചയില്‍ ഊന്നുവടി. പക്ഷെ ഉള്ളില്‍ അത്യാധുനി
ക സെന്‍സറുകളും ഐഒടി സാങ്കേതികവിദ്യയും. ‘ഏര്‍ലി വാണിങ് സിസ്റ്റമാണ്. വടി നിലത്തുറപ്പിച്ച് ഒരു ബട്ടണ്‍ അമര്‍ത്തിയാല്‍ സെക്കന്‍ഡുകള്‍ക്കുള്ളില്‍ ചുറ്റുമുള്ള പ്രദേശം സ്‌കാന്‍ ചെയ്യും. അപകടം തിരിച്ചറിഞ്ഞാല്‍ വടി ശക്തമായി വൈബ്രേറ്റ് ചെയ്യും. ഇതിലെ എഐ ലെയര്‍, കാറ്റില്‍ പുല്ല് അനങ്ങുന്നതും പാമ്പ് ഇഴയുന്നതും തമ്മിലുള്ള വ്യത്യാസം തിരിച്ചറിയും.
പരിഷ്‌കരിച്ച മോഡലുകള്‍, പാമ്പിനെ കണ്ടെത്തിയാല്‍ കര്‍ഷകന്റെ മൊബൈലിലേക്ക് നോട്ടിഫിക്കേഷന്‍ അയക്കും. ഇഴയുന്ന ശബ്ദവും അവയുടെ സവിശേഷമായ ചലനരീതിയും തിരിച്ചറിയാന്‍ വടിയിലെ അള്‍ട്രാസോണിക് സെന്‍സറുകള്‍ക്ക് കഴിയും. പുല്ലിനിടയിലൂടെ പാമ്പ് ഇഴയുമ്പോള്‍ ഉണ്ടാകുന്ന താഴ്ന്ന ആവൃത്തിയിലുള്ള കമ്പനങ്ങള്‍ പോലും സെന്‍സറുകള്‍ പിടിച്ചെടുക്കുന്നു. ഇതിനുള്ളില്‍ അര്‍ഡുനിയോ അല്ലെങ്കില്‍ റാസ്പ്‌ബെറി പൈ പോലുള്ള തീരെ ചെറിയ പ്രോസസറുകളാണ്. സെന്‍സറുകള്‍ നല്‍കുന്ന വിവരങ്ങള്‍ പ്രോസസറുകള്‍ അതിവേഗം വിശകലനം ചെയ്ത് അപകടമുണ്ടെങ്കില്‍ വടിയിലുള്ള സര്‍ക്യൂട്ട് പൂര്‍ത്തിയാക്കി വൈബ്രേഷന്‍ നല്‍കും.
പാമ്പുകള്‍ ശീതരക്ത ജീവികളാണ്. അവയുടെ ശരീരതാപനില ചുറ്റുപാടിന് അനുസരിച്ച് മാറും. സ്റ്റിക്കിലെ സെന്‍സറുകള്‍ ചുറ്റുമുള്ള താപനിലയിലെ നേരിയ മാറ്റങ്ങള്‍ പോലും നിരീക്ഷിക്കും. ഒരു പാമ്പ് അനങ്ങുമ്പോള്‍ ഉണ്ടാകുന്ന താപ വ്യതിയാനങ്ങള്‍ തിരിച്ചറിയാന്‍ ഇതിന് കഴിയും. വില 1500 മുതല്‍ 2500 വരെയാണ്. 40 ശതമാനം മുതല്‍ 50 ശതമാനം വരെ സര്‍ക്കാര്‍ സബ്‌സിഡി ലഭിക്കും. കൃഷി വിജ്ഞാന്‍ കേന്ദ്രങ്ങള്‍ മുഖേനയും ഓണ്‍ലൈന്‍ സൈറ്റുകളി നിന്നും വാങ്ങാം.
ജന്മഭൂമി ഓണ്‍ലൈന്‍