തിരുവനന്തപുരം : കേരളത്തില് കോണ്ഗ്രസ് മുഖ്യമന്ത്രിയെ തീരുമാനിക്കുന്നതിലെ കാലതാമസത്തെ പരിഹസിച്ച് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര്. കെ സി വേണുഗോപാല് മുഖ്യമന്ത്രിയാകുന്നതിനെ ചൊല്ലി ബിജെപി കേരള ഘടകവും ദേശീയ ഘടകവും തമ്മില് തര്ക്കം രൂക്ഷമാണെന്ന രസകരമായ കുറിപ്പ് രാജീവ് ചന്ദ്രശേഖര് പങ്കുവച്ചു.
കെ.സി. വേണുഗോപാല് കേരളത്തില് വേണമെന്ന് കേരള ബിജെപിയും ദല്ഹിയില് വേണമെന്ന് ബിജെപി ദേശീയ നേതൃത്വവും ആഗ്രഹിക്കുന്നുവെന്ന എക്സ് പോസ്റ്റ് പങ്കുവെച്ചാണ് രാജീവ് ചന്ദ്രശേഖര് പരിഹാസമുയര്ത്തിയത്.
ആദിത്യ ജാക്കി എന്ന എക്സ് അക്കൗണ്ടില് വന്ന പോസ്റ്റ് ആണ് രാജീവ് ചന്ദ്രശേഖര് പങ്കുവെച്ചത്. ഇത് സത്യമാണെന്നും അല്ലായെന്നും തല്ക്കാലം സ്ഥിരീകരിക്കാന് ഉദ്ദേശിക്കുന്നില്ല എന്നായിരുന്നു രാജീവ് ചന്ദ്രശേഖര് പോസ്റ്റിന്റെ സക്രീന് ഷോട്ടിന് നല്കിയ അടിക്കുറിപ്പ്.
തെരഞ്ഞെടുപ്പ് ഫലം വന്ന് ദിവസങ്ങള് ഏറെ ആയിട്ടും കോണ്ഗ്രസില് മുഖ്യമന്ത്രിയാകാന് തര്ക്കം തുടരുകയാണ്. ഇതിനിടെ കെ പി സി സി മുന് അധ്യക്ഷന്മാരെ ഉള്പ്പെടെ മുതിര്ന്ന നേതാക്കളെ ഹൈക്കമാന്ഡ് ദല്ഹിയിലേക്ക് ചര്ച്ചകള്ക്കായി വിളിപ്പിച്ചിട്ടുണ്ട്.
