തിരുവനന്തപുരം: തമിഴ്നാട്ടിലും കേരളത്തിലും നിരവധി ക്രിപ്റ്റോ ക്രിസ്ത്യാനികള്‍ ഉണ്ടെന്നും ഇവരെ പുറത്തുകൊണ്ടുവരണമെന്നും ടി.പി. സെന്‍കുമാര്‍.
2011 സെന്‍സസ് കണക്ക് പ്രകാരം തമിഴ്നാട്ടില്‍ 85 ശതമാനം ഹിന്ദുക്കളാണ്. ആറര ശതമാനം മാത്രമാണ് ക്രിസ്ത്യന്‍ സമുദായം.പക്ഷെ അവിടെ ക്രിപ്റ്റോ ക്രിസ്ത്യാനികള്‍ ധാരാളമായുണ്ട്. അതായത് റെക്കോഡില്‍ ഇവര്‍ ഹിന്ദുവായിരിക്കും. പക്ഷെ അവര്‍ യഥാര്‍ത്ഥത്തില്‍ അവര്‍ ജീവിക്കുന്നത് ക്രിസ്ത്യാനികളായിട്ടായിരിക്കാം.
എന്നാല്‍ മുസ്ലിങ്ങളില്‍ ക്രിപ്റ്റോ മുസ്ലിങ്ങള്‍ ഇല്ല. അവര്‍ ഹിന്ദുമതത്തില്‍ നിന്നും ഒരാളെ അവരുടെ മതത്തിലേക്ക് കൊണ്ടുപോയാല്‍ മുസ്ലിമായി മാത്രമേ കണക്കാക്കൂ. അല്ലാതെ ഹിന്ദു പേര് വെച്ച് ഇസ്ലാംമതത്തിന്റെ രഹസ്യപ്രതിനിധിയായി ഒരാളെ മുസ്ലിംസമുദായത്തില്‍ നിലനിര്‍ത്തില്ല.
ഡിഎംകെ അധികാരത്തില്‍ വന്നപ്പോള്‍ ഇവാഞ്ചലൈസേഷന്‍ കാര്യമായി ചെയ്തില്ല എന്ന പരാതി ക്രിസ്ത്യന്‍ സമുദായത്തിന് തമിഴ്നാട്ടില്‍ ഉണ്ടായിരുന്നു. എന്നാല്‍ വിജയ് പറഞ്ഞത് താന്‍ ഇവാഞ്ചലൈസേഷന്‍ അനുവദിക്കും എന്നാണ്. ഇത് അപകടകരമാണ്. വിജയിന്റെ പാര്‍ട്ടിയില്‍ തെരഞ്ഞെടുക്കപ്പെട്ട അംഗങ്ങളെ നോക്കുക.ഇതില്‍ നിരവധി പേര് ഹിന്ദുപേരുള്ള ക്രിസ്ത്യാനികളാണ്. വിജയ് കാല്‍മുട്ടിലിഴഞ്ഞ് ഒരു പള്ളിയുടെ പൊതു പ്രാര്‍ത്ഥനഹാളില്‍ ഒരറ്റത്ത് നിന്നും അള്‍ത്താര വരെ വിജയ് മുട്ടില്‍ ഇഴ‍ഞ്ഞ് നീങ്ങുന്ന വീഡിയോ വൈറലായി തമിഴ്നാട്ടിലുടനീളം ടിവികെയും ഇവാഞ്ചലിസ്റ്റുകളും പ്രചരിപ്പിച്ചിരുന്നു.
2006 മുതല്‍ 2011വരെയുള്ള സെന്‍സസ് കണക്ക് പ്രകാരം ക്രിസ്ത്യന്‍ സമൂദായത്തിന് 2.5 ശതമാനം വളര്‍ച്ചയേ കാണിക്കുന്നുള്ളൂ. ആന്ധ്ര, പഞ്ചാബ്, തമിഴ്നാട് എന്നിവിടങ്ങളില്‍ ധാരാളമായി ക്രിസ്ത്യന്‍സമുദായം വളര്‍ന്നിട്ടുണ്ട്. എന്തായാലും 2027 ഇപ്പോള്‍ സെന്‍സസ് എടുക്കുമ്പോള്‍ ഈ പ്രശ്നങ്ങള്‍ക്ക് പരിഹാരമുണ്ടാകുമെന്ന് കരുതുന്നു. 2.5 ശതമാനമായി കിടക്കുന്ന ക്രിസ്ത്യന്‍ സമുദായത്തിന്റെ ജനസംഖ്യ 14 ശതമാനമായി വര്‍ധിക്കും. എന്തുകൊണ്ടാണ് അവര്‍ ഹിന്ദുമതത്തില്‍ തുടരുന്നത്? എസ് സി സംവരണാനുകൂല്യവും ഒബിസി സംവരണാനുകൂല്യവും വാങ്ങാന്‍ വേണ്ടിയാണ്.-ടി.പി. സെന്‍കുമാര്‍ പറയുന്നു.
രണ്ടും ഹിന്ദുസമുദായത്തിന് പ്രത്യാഘാതങ്ങള്‍ ഉണ്ടാക്കുന്നു. മുസ്ലിംസമുദായം നേര്‍ക്കുനേരാണ് സമ്മര്‍ദ്ദമുണ്ടാക്കുന്നതെങ്കില്‍ ക്രിസ്തീയ സമുദായം രഹസ്യമായാണ് സമ്മര്‍ദ്ദം ഉണ്ടാക്കുന്നത്. ഒന്ന് പ്രത്യക്ഷമായിട്ടുള്ളതാണെങ്കില്‍ മറ്റൊന്ന് ഒളിഞ്ഞുള്ള ആക്രമണമാണ്. – ടി.പി. സെന്‍കുമാര്‍ പറയുന്നു.
