ആലപ്പുഴ: സ്കൂട്ടര് യാത്രക്കാരിയെ അടിച്ചു വീഴ്ത്തി മാല കവര്ന്നു. കറ്റാനത്തുണ്ടായ സംഭവത്തില് ചാത്തവന സ്വദേശിനി വസന്തകുമാരിയുടെ (50) മാലയാണ് പിടിച്ചു പറിച്ചത്. കറ്റാനം – മാവേലിക്കര റോഡില് ഭരണിക്കാവ് ഇല്ലത്തുമുക്കിന് സമീപം കഴിഞ്ഞ ദിവസം ഉച്ചയോടെയാണ് സംഭവം.
ഹെല്മെറ്റ് ധരിച്ച് ബൈക്കിലെത്തിയ യുവാവാണ് വസന്തകുമാരിയെ അടിച്ചുവീഴ്ത്തി മാല കവര്ന്നത്. അടിയേറ്റ ആഘാതത്തില് സ്കൂട്ടറില് നിന്നും റോഡിലേക്ക് വീണ വസന്തകുമാരിക്ക് തലയ്ക്കും കൈക്കും പരിക്കേറ്റു. നാട്ടുകാര് ഇവരെ കറ്റാനത്തെ സ്വകാര്യ ആശുപത്രിയില് എത്തിച്ചു.
പ്രതി മാലയുമായി ബൈക്കില് രക്ഷപ്പെട്ടു. കുറത്തികാട് പൊലീസ് സ്ഥലത്തെത്തി വസന്തകുമാരിയുടെ മൊഴി രേഖപ്പെടുത്തി. അന്വേഷണം നടക്കുന്നു.
