ബെംഗളൂരു: പ്രധാനമന്ത്രി നരേന്ദ്ര മോദി ഇന്ന് ബെംഗളൂരു സന്ദര്ശിക്കും. ആർട്ട് ഓഫ് ലിവിങ് 45–ാം വാർഷിക സമ്മേളനത്തിലും ഗുരുദേവ് ശ്രീശ്രീ രവി ശങ്കറിന്റെ സപ്തതി ആഘോഷത്തിലും പങ്കെടുക്കാനാണ് മോദി എത്തുന്നത്. രാവിലെ 11നു കനക്പുര റോഡിലെ ആർട്ട് ഓഫ് ലിവിങ് രാജ്യാന്തര കേന്ദ്രത്തിൽ നടത്തുന്ന പരിപാടിയിൽ പുതിയ ധ്യാനമന്ദിരവും ഒരു വർഷം നീണ്ടു നിൽക്കുന്ന വിവിധ സേവന പ്രവർത്തനങ്ങളും മോദി ഉദ്ഘാടനം ചെയ്യും.
പ്രധാനമന്ത്രിയുടെ സന്ദർശനത്തോടനുബന്ധിച്ചു ബെംഗളൂരു ട്രാഫിക് പോലീസ് എച്ച്എഎൽ ട്രാഫിക് പോലീസ് സ്റ്റേഷൻ പരിധിയിൽ ഇന്ന് താൽക്കാലിക ഗതാഗത നിയന്ത്രണങ്ങളും പാർക്കിംഗ് നിയന്ത്രണങ്ങളും ഏർപ്പെടുത്തി. എച്ച്എഎൽ വിമാനത്താവള റോഡിൽപുലർച്ചെ 5 മുതൽ വൈകിട്ട് 3 വരെയാണു നിയന്ത്രണം. ഓൾഡ് എയർപോർട്ട് റോഡിൽ എസ്ഡി റോഡ് ജംക്ഷൻ മുതൽ ട്രിനിറ്റി ജംക്ഷൻ, ഡിജിസിഎ ഓഫിസ്, അംബ്രല്ല ജംക്ഷൻ എന്നിവിടങ്ങളിൽ പാർക്കിങ് നിരോധിച്ചു.
നൈസ് റോഡിൽ രാവിലെ 9 മുതൽ വൈകിട്ട് 3 വരെയും നിയന്ത്രണം ഏര്പ്പെടുത്തിയിട്ടുണ്ട്. തുമക്കൂരു റോഡിൽ നിന്ന് കനക്പുര റോഡിലേക്കുള്ള വാഹനങ്ങൾ സിഎംടിഐ ജംക്ഷൻ, രാജ്കുമാർ പുണ്യഭൂമി റോഡ് വഴി പോകണമെന്നും വഴിതിരിച്ചുവിടൽ അടയാളങ്ങളും നിർദ്ദേശങ്ങളും പാലിക്കണമെന്നും ട്രാഫിക് പോലീസ് നിർദ്ദേശിച്ചു.
