തിരുവനന്തപുരം: രാഹുല് ഗാന്ധി പറയുന്ന യഥാര്ത്ഥ വോട്ട് ചോരി എന്താണെന്ന് ഇപ്പോഴാണ് മനസ്സിലായതെന്ന് യുവരാജ് ഗോകുല്. തന്റെ ഫെയ്സ്ബുക്ക് പേജില് പങ്കുവെച്ച പോസ്റ്റിലാണ് മുഖ്യമന്ത്രിസ്ഥാനത്തേക്ക് മത്സരിക്കുന്ന മൂന്ന് കോണ്ഗ്രസ് നേതാക്കള് ഉയര്ത്തിക്കാട്ടിയ യാതൊരു യുക്തിയുമില്ലാത്ത വോട്ടുപട്ടിക യുവരാജ് ഗോകുല് പങ്കുവെച്ചത്.
ആകെ കോണ്ഗ്രസ് എംഎല്എമാര് 63 മാത്രമാണ്. പക്ഷെ കോണ്ഗ്രസിന്റെ മൂന്ന് മുഖ്യമന്ത്രിസ്ഥാനാര്ത്ഥികളായ കെ.സി. വേണുഗോപാല്, വി.ഡി. സതീശന്, ആര്സി എന്ന രമേശ് ചെന്നിത്തല എന്നിവര്ക്ക് കിട്ടിയ വോട്ടുകള് ആകെ ചേര്ക്കുമ്പോള് 106 ആണ്. 63 എംഎല്എമാര് മാത്രമുള്ള കോണ്ഗ്രസിന്റെ മൂന്ന് മുഖ്യമന്ത്രിസ്ഥാനാര്ത്ഥികള്ക്ക് കോണ്ഗ്രസ് എംഎല്എമാര് നല്കിയ പിന്തുണവോട്ടുകള് ചേരുമ്പോള് എങ്ങിനെ ആകെ 106 വോട്ടുകള് കിട്ടും?
കെ.സി യ്ക്ക് 48 എംഎല്എമാരുടെ പിന്തുണ, വി.ഡി യ്ക്ക് 35എംഎല്എമാരുടെ പിന്തുണ, ആര്.സി യ്ക്ക് 23 എംഎല്എമാരുടെ പിന്തുണ. എല്ലാംകൂടെ 106. എംഎല്എമാര്. ഇതെങ്ങിനെ സാധ്യമാകും? കാരണം കോണ്ഗ്രസിന് എല്ലാംകൂടെ ഉള്ളത് 63 എംഎല്എമാര് മാത്രമാണ്. അപ്പോള് ബാക്കി 43 എംഎല്എമാരെ കാണാനില്ല…. അത് അമിത് ഷായും തിരഞ്ഞെടുപ്പ് കമ്മീഷനും കൂടെ അടിച്ചോണ്ട് പോയി….ഇതാണ് യഥാര്ത്ഥ വോട്ട് ചോരിയെന്നാണ് യുവരാജ് ഗോകുലിന്റെ പരിഹാസം.
ഓരോ തെരഞ്ഞെടുപ്പ് കഴിയുമ്പോഴും കോണ്ഗ്രസ് തോറ്റാന് വോട്ട് ചോരി എന്നാരോപിക്കുന്ന രാഹുല് ഗാന്ധിയുടെ സ്വന്തം പാര്ട്ടിയില് കേന്ദ്രനിരീക്ഷകര് എത്തി നടപ്പാക്കിയ കോണ്ഗ്രസ് മുഖ്യമന്ത്രിസ്ഥാനത്തിലേക്കുള്ള മൂന്ന് സ്ഥാനാര്ത്ഥികളുടെ മത്സരത്തിലാണ് ഈ വോട്ടെണ്ണത്തിലെ അപാകത. അപ്പോള് ഇത് വോട്ട് ചോരി തന്നെയല്ലേ?
