ആലപ്പുഴ:ഹെല്മെറ്റ് ഉപയോഗിച്ച് യുവാവിന്റെ മൂക്കിടിച്ച് തകര്ത്ത കേസിലെ പ്രതിയെ രക്ഷപ്പെടാന് സഹായിച്ച മുന് സൈനികന് അറസ്റ്റില്. ക്ലാപ്പന വില്ലേജില് പ്രയാര് തെക്ക് മുറിയില് പൂമുറ്റത്ത് വീട്ടില് ആനന്ദ് രാജ് (50) ആണ് പിടിയിലായത്.
മേയ് ഒന്നിന് വൈകിട്ട് 6.30 ഓടെ പ്രയാര് അക്കരത്തറ ജംഗ്ഷനില് ആണ് സംഭവം. യുവാവും സുഹൃത്തും സഞ്ചരിച്ച ബൈക്കില് പ്രതിയുടെ ബൈക്ക് ഇടിക്കാന് പോയത് ചോദ്യം ചെയ്തതിനാണ് പ്രയാര് വടക്ക് സ്വദേശി യുവാവിനെ പ്രതി ഹെല്മെറ്റ് ഊരി മൂക്കിന് ഇടിച്ചത്.
ആക്രമണത്തില് യുവാവിന്റെ മൂക്കിന്റെ എല്ല് പൊട്ടി. സംഭവത്തിന് ശേഷം പ്രതിയെ സ്ഥലത്തു നിന്നും കാറില് രക്ഷപ്പെടുത്തുകയും ഒളിവില് താമസിപ്പിക്കാന് സഹായം ചെയ്തു നല്കുകയും ചെയ്തിനാണ് ആനന്ദ് രാജിനെ അറസ്റ്റ് ചെയ്തത്.
കേസില് ഒന്നാം പ്രതി ഒളിവിലാണ്. ആനന്ദ് രാജിനെ കോടതിയില് ഹാജരാക്കി റിമാന്ഡ് ചെയ്തു.
