കൊല്‍ക്കത്ത: ബംഗാളില്‍ ബിജെപി വമ്പന്‍ വിജയം നേടിയതോടെ, ആറും ഏഴും വര്‍ഷമായി തൃണമൂല്‍ കോണ്‍ഗ്രസ് കൈയേറി സ്വന്തമാക്കിയ ഓഫീസ് കെട്ടിടങ്ങള്‍ സിപിഎമ്മിനും കോണ്‍ഗ്രസിനും തിരികെ ലഭിച്ചു.
സിപിഎമ്മിന്റെ പുരന്തര്‍പൂരിലെയും 24 സൗത്ത് പര്‍ഗാനയിലെ ബഡ്ജ് ബഡ്ജിലെയും കേശപ്പൂരിലെയും ഖേജൂരിയിലെയും ഓഫീസുകള്‍, കരീംപൂരിലെ ലെ കോണ്‍ഗ്രസ് ഓഫീസ് എന്നിവയാണ് തിരികെ ലഭിച്ചത്. കരീംപൂരിലെ നാദിയ ജില്ലാ ഓഫീസ് തിരികെക്കിട്ടിയതോടെ കോണ്‍ഗ്രസ് പ്രവര്‍ത്തകര്‍ അതിന്റെ താഴ് കരിങ്കല്ലുകൊണ്ട് ഇടിച്ചു തുറക്കുന്നതിന്റെ ചിത്രങ്ങളും സോഷ്യല്‍ മീഡിയയില്‍ വൈറലാണ്.
പുരന്തര്‍പൂരിലെ സിപിഎം ഏരിയ കമ്മിറ്റി ഓഫീസ് 2011 തൃണമൂല്‍ ഗുണ്ടകള്‍ കൈയേറിയതാണ്. ബഡ്ജ് ബഡ്ജിലെ ഓഫീസ് തുറന്ന് സിപിഎമ്മുകാര്‍ ചെങ്കൊടി ഉയര്‍ത്തി. കേശപ്പൂരിലെയും ഖേജൂരിയിലെയും സിപിഎം ഓഫീസുകള്‍ 2009ല്‍ തൃണമൂല്‍ കൈയേറിയതാണ്. ബിജെപി ജയിച്ചതിനാലാണ് തങ്ങള്‍ക്ക് ഓഫീസ് മടക്കിക്കിട്ടിയതെന്ന് കോണ്‍ഗ്രസ് പ്രവര്‍ത്തകര്‍ തുറന്നു സമ്മതിക്കുന്നതും സോഷ്യല്‍ മീഡിയയില്‍ കാണാം.
