കൊച്ചി: യുഡിഎഫിന്റെ മികച്ച വിജയത്തിന് പിന്നാലെ എറണാകുളം റെയില്വേ സ്റ്റേഷനില് എത്തിയ വി.ഡി. സതീശന് അനുയായികള് വന് വരവേല്പ്പ് നല്കി. തിരുവനന്തപുരത്ത് നിന്നുമുളള വന്ദേഭാരതില് എറണാകുളം സൗത്ത് റെയില്വേ സ്റ്റേഷനില് രാത്രി ഏഴ് മണിയോടെ വന്നിറങ്ങിയ സതീശനെ സ്വീകരിക്കാന് നൂറുകണക്കിന് പ്രവര്ത്തകരാണ് എത്തിയത്.
കെഎസ്യു, യൂത്ത്കോണ്ഗ്രസ്, കോണ്ഗ്രസ് പ്രവര്ത്തകരുടെ സാഗരമാണ് സൗത്ത് റെയില്വേ സ്റ്റേഷനില് കാത്തുനിന്നത്. ട്രെയിനിറങ്ങിയ സതീശനെ തോളിലെടുത്താണ് പുറത്ത് കാത്തുകിടന്ന കാറില് എത്തിച്ചത്. മുഖ്യാ സതീശാ എന്നിങ്ങനെ മുദ്രാവാക്യം വിളികള് മുഴങ്ങി.
റെയില്വേ സ്റ്റേഷനില് നിന്ന് ഡി സി സി ഓഫീസിലെത്തിയ സതീശന് അവിടെ ഒരുക്കിയിരുന്ന കേക്ക് മുറിച്ചു വിജയാഹ്ലാദം പങ്കുവച്ചു.നിയുക്ത എം എല് എ മൊഹമ്മദ് ഷിയാസ്,മേയര് മിനിമോള്, ഹൈബി ഈഡന് എം പി എന്നിവര് പരിപാടിയില് പങ്കെടുത്തു.
